Anam pas virar a l’entorn de la topina pendent tota aquesta cronica per vos faire part de la revelacion advenguda aqueste dissabte de vèspre a Brutus davant 9000 espectators: los Dracs son definitivament qualificats per las pelhòfas de la Superliga mercé a una brava victòria fàcia als Combatents de Wigan. Una qualificacion ganhada sul terren sens comptar amb la desfacha de Bradford de dimenge a Castleford: 34-46.
Dins la calor d’una fin de vèspre rosselhonés, al quart d’ora de jòc, l’arrièr Brent Web va a la còrna sus l’alièr dreit anglés: libèra atal lo camin de l’ensag per Vaccari e Bòsc transformava. A partir de la mièja ora, Wigan s’installa dins los 20 mètres catalans e al tèrme d’un desenat de cadenas (entre penalitats e remandadís jos las barras), Taylor punta entre los pals (39a). Marca d’egalitat a la pausa: 6-6. La partida es seriosa amb d’enjòcs bèls, doncas las formacions ensajan de prene los punts de las penalitats. A aquel jòc, Tomàs Bòsc n’ensaca tres contra una pels angleses: 12-8. A l’ora de jòc, mes sus orbita per Webb, Menzies cabussa jos la defensa anglesa per puntar l’ensag: 16-8. A la 68a minuta, Elòi Pelissièr confòrta la victòria catalana mercé a un ensag de talonaire al ras del tengut. Transformacion de Bòsc e victòria 22-8 pels Dracs.
Se la qualificacion es assegurada, demòra de saupre la plaça: la 5a o la 6a permetriá als Dracs de reçaupre a Brutus lo 7n o l’8n pel primièr torn de la fasa finala. Per l’ora, los Dracs son en 6a posicion, un punt darrèr Saint Helens. Las doas formacions d’Hull son en emboscada a dos punts: Hull KR amb una victòria volguda amb nhaca e determinacion a Leeds 16-12 e Hull FC venceire d’una oposicion fòrta a Salford: 18-13.
Los Dracs jogaràn una partida decisiva a Leeds lo divendres 30 d’agost. De notar que los Lops de Warrington, segonds al classament, an perdut sus lor pelena 16-6 fàcia als 11s, lors vesins d’un desenat de quilomètres, los Vikings de Widnes que joguèron lo segond temps a 12 aprèp un carton roge.
Amb una victòria a Londres 26-12, los Gigants d’Huddersfield prenon una opcion sus la primièra plaça de la fasa de classament.
Dissabte de vèspre, Wigan rescontrarà Hull FC a Wembley per la finala de la Cup e ensajarà de realizar un doblat estonant: fa tres meses, sus la meteissa pelena, l’esquipa de fotbòl de Wigan se ganhèt la Cup!
En Austràlia, de notar la supèrba victòria del segond, Los Lapinons de Sud-Sydney fàcia als tresens, las Aglas de Mar de Manly: 22-10.
La competicion es sarrada e dobèrta a l’entorn de las darrièras plaças qualificativas del campionat NRL entre Newcastle, Gold Coast, Brisbane, Canberra o los NZ Warriors.
Per las partidas de la Copa del Monde, en octobre e novembre, notatz que l’agéncia de viatge associada als Dracs, Catalans Sports Tours, organiza de desplaçaments en Anglatèrra per França-Papoasia, las mièjas finalas de Wembley e la finala de Manchester.
Alan Roch
_____
Resumit de Dracs-Wigan:
Dins la calor d’una fin de vèspre rosselhonés, al quart d’ora de jòc, l’arrièr Brent Web va a la còrna sus l’alièr dreit anglés: libèra atal lo camin de l’ensag per Vaccari e Bòsc transformava. A partir de la mièja ora, Wigan s’installa dins los 20 mètres catalans e al tèrme d’un desenat de cadenas (entre penalitats e remandadís jos las barras), Taylor punta entre los pals (39a). Marca d’egalitat a la pausa: 6-6. La partida es seriosa amb d’enjòcs bèls, doncas las formacions ensajan de prene los punts de las penalitats. A aquel jòc, Tomàs Bòsc n’ensaca tres contra una pels angleses: 12-8. A l’ora de jòc, mes sus orbita per Webb, Menzies cabussa jos la defensa anglesa per puntar l’ensag: 16-8. A la 68a minuta, Elòi Pelissièr confòrta la victòria catalana mercé a un ensag de talonaire al ras del tengut. Transformacion de Bòsc e victòria 22-8 pels Dracs.
Se la qualificacion es assegurada, demòra de saupre la plaça: la 5a o la 6a permetriá als Dracs de reçaupre a Brutus lo 7n o l’8n pel primièr torn de la fasa finala. Per l’ora, los Dracs son en 6a posicion, un punt darrèr Saint Helens. Las doas formacions d’Hull son en emboscada a dos punts: Hull KR amb una victòria volguda amb nhaca e determinacion a Leeds 16-12 e Hull FC venceire d’una oposicion fòrta a Salford: 18-13.
Los Dracs jogaràn una partida decisiva a Leeds lo divendres 30 d’agost. De notar que los Lops de Warrington, segonds al classament, an perdut sus lor pelena 16-6 fàcia als 11s, lors vesins d’un desenat de quilomètres, los Vikings de Widnes que joguèron lo segond temps a 12 aprèp un carton roge.
Amb una victòria a Londres 26-12, los Gigants d’Huddersfield prenon una opcion sus la primièra plaça de la fasa de classament.
Dissabte de vèspre, Wigan rescontrarà Hull FC a Wembley per la finala de la Cup e ensajarà de realizar un doblat estonant: fa tres meses, sus la meteissa pelena, l’esquipa de fotbòl de Wigan se ganhèt la Cup!
En Austràlia, de notar la supèrba victòria del segond, Los Lapinons de Sud-Sydney fàcia als tresens, las Aglas de Mar de Manly: 22-10.
La competicion es sarrada e dobèrta a l’entorn de las darrièras plaças qualificativas del campionat NRL entre Newcastle, Gold Coast, Brisbane, Canberra o los NZ Warriors.
Per las partidas de la Copa del Monde, en octobre e novembre, notatz que l’agéncia de viatge associada als Dracs, Catalans Sports Tours, organiza de desplaçaments en Anglatèrra per França-Papoasia, las mièjas finalas de Wembley e la finala de Manchester.
Alan Roch
_____
Resumit de Dracs-Wigan:
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Resumit de Dracs-Wigan :
http://tv.catalansdragons.com/videos/resume-dragons-vs-wigan-r25-16-250/
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari