Bandièra01 1180x150: Comuna de Tolosa

Actualitats

La cadena umana per l’independéncia de Catalonha arriba a Tolosa

Se debanarà dissabte que ven, 7 de setembre, a 16h30. Per participar se cal inscriure en linha

Tolosa farà una cadena umana solidària amb l’independéncia de Catalonha, dissabte que ven, lo 7 de setembre.
 
L’eveniment aurà luòc a la Plaça del Capitòli a 16h00 e per participar se cal inscriure en linha sus aqueste sit web. Se tracta d’un sit en catalan e anglés; mas los organizaires an comunicat a Jornalet que los vesitaires pòdon escriure de comentaris o pausar de questions en occitan e francés.
 
Los organizaires an previst d’afichas, de fulhetons e d’autras informacions en occitan.
 
Aquela cadena umana se farà en solidaritat amb la que se debanarà l’11 de setembre, jornada nacionala de Catalonha. Aquela Via Catalana, crosarà lo país catalan del nòrd al sud en favor de l’independéncia del país. La cadena intrarà en Catalonha Nòrd e al País Valencian, mentre qu’en Malhòrca faràn una mapa umana dels Païses Catalans.

Mai d’un trentenat de ciutats a l’estrange an planificat d’organizar una cadena umana solidària, en parallèl a aquela accion. Las primièras cadenas umanas se debanèron lo 15 d’agost e las darrièras lo quite 11 de setembre.
 
Aquel eveniment s’inspira de la Via Baltica, la cadena umana qu’anava dempuèi la capitala lituaniana, Vílnius, fins a la capitala d’Estònia, Tallinn, en passar per Riga, per exigir l’independéncia dels Païses Baltics lo 23 d’agost de 1989.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Marc Mallorca
10.

Gràcies a tots els qui aneu!

Catalans i occitans som cosins-germans!

  • 4
  • 0
Jordi Alella (Barcelona)
9.

Gracies compnys occitans. En el seu moment sabrem correspondre

  • 6
  • 0
Lafontan Tolosa
8.

I aurà TANBEN lo 11 de setembre a 11oras un recampament a Tolosa cridat per la "Convergéncia" a l'òrt Ch.de Gaulle (darrèr lo Capitòli) en solidaritat amb la Diada catalana per l'independéncia.

Le 11 septembre à 11H rassemblement à Toulouse à l'appel de la "Convergéncia" square Ch. De Gaulle (derrière la Capitole) en solidaritat amb la Diada catalana per l'independéncia.

  • 3
  • 0
Savalls Barcelona
7.

Des de Catalunya...

Gràcies germans!

És emocionant!

  • 14
  • 0
Quentin Willaume Marck / Ais
6.

Òsca Tolosa ! Catalan e occitan, man dins la man !

  • 16
  • 0

Escriu un comentari sus aqueste article