Bandièra01 1180x150: Comuna de Tolosa

Actualitats

Bascoat: almens 18 detenguts en una operacion contra Herrira

S’agís de l’organizacion que fa de sosten als presonièrs d’ÈTA

Almens 18 membres d’Herrira, un collectiu de sosten als presonièrs d’ÈTA, foguèron arrestats ièr per la Gàrdia Civila espanhòla, en seguissent las instruccions de l’Audiéncia Nacionala, un naut tribunal espanhòl excepcional. Dètz d’eles son estats detenguts pendent qu’èran en una reünion del collectiu.
 
Al delà d’aquelas detencions, an barrat 32 perfils de Twitter, 125 de Facebook e 38 sits web. An blocat tanplan los comptes bancaris de l’associacion. An escorcolhat las sedenças e l’operacion es encara en cors.
 
Tot aquò es arribat dos jorns après que lo Ministèri de l’Interior espanhòl respondèsse al darrièr comunicat d’ÈTA, en disent que solament acceptariá la dissolucion de la banda del temps que s’avertiguèt lo mond basquista que “legalitat vòl pas dire impunitat”.
 
Herrira (“al país”), es una organizacion que revendica que los presonièrs bascos sián en de presons del Bascoat, coma de fach o garentisson las leis espanhòlas. Ajudan los parents a viatjar fins a las presons. Tanben fan de manifestacions per aculhir los presonièrs que sortisson, d’omenatges a de presonièrs mòrts, d’afichas e de campanhas de pression e difusion. Son la continuacion d’autras associacions de sosten als presonièrs, illegalizadas pels govèrns espanhòls.
 



Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Ernèst Guevara Jr. L'Avana
4.

#2 Quines caps d'inculpacion ? « Exaltacion del terrorisme e finançament d'organizacion terrorista ». Aqueles caps d'icnulpacion son fotesas integralas, pretextant una rafla faiscista en règla, a l'endintre d'una Euròpa que se preten encara democratica…

  • 2
  • 0
pf
3.

estó ILLEGALISAT?

(Perdon, qu'aví escriut illegalista ; confusion...)

  • 0
  • 0
pf
2.

???? Quines "caps d'inculpacion"????

Aqueth moviment, estó illegalista com n'èra Batasuna?

Los tipes de la Guardia Civil que semblan a JCVD dens lo film Street Fighter II !!!!

  • 0
  • 0

Escriu un comentari sus aqueste article