Bandièra01 1180x150: Comuna de Tolosa

Actualitats

Nòva tragèdia d’immigrants per mar, aqueste còp près de Malta

Una embarcacion amb aperaquí 250 immigrants se reversèt ièr divendres quand navigava entre Malta e Sicília, segon d’informacions de la Gàrdia Litorala italiana. Qualques desenats de personas son mòrtas e qualques secorreires que participavan al salvament afirmavan d’aver vist fòrça cadavres que flotavan. D’elicoptèrs e de vaissèls de secors an capitat de salvar aperaquí 120 personas.
 
L’embarcacion, qu’aviá partit de Tunisia e qu’anava en Sicília, naufraguèt vèrs 70 milas al nòrd de Malta. Las còlas de secors trabalhan per salvar las personas qu’anavan dins lo vaissèl, e mai se lo vent fòrt fa los salvaments malaisits. Doas unitats de la marina militara italiana i anèron sul pic, e mai se lo naufragi s’es produsit dins las aigas territorialas de Malta. D’elicoptèrs malteses son tanben sul ponch del naufragi e an lançat divèrses corsets salvavidas per l’aiga.
 
Lo nombre total de mòrts es pas encara conegut. Aquel naufragi arriba una setmana après l’accident de la Lampedosa, que i moriguèron mai de 300 immigrants, e que dijòus passat s’i finalizèt la recèrca de cadavres dins la mar.

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

pimflòid
3.

#1 Sèi pas. Que supausi qu'ac hèn a l'esconut : que son passaires clandestins. Que's ditz que n'i a qui gitan a la mar los nins qui hèn brut.

La toa question qu'ei interessanta.

  • 1
  • 0
pimflòid
2.

"Divèrses corsets salvavidas"... B'ei beròi! Au comença n'èi pas comprés mes... mercés au jornalet de'ns har arridolejar e d'aportà'ns un peishic de poesia, mèma dab novelas tant tristas.

  • 1
  • 0
Alfa e omega
1.

I a pas cap de Gàrdia litorala tunisiana per velhar e empachar la partença de las barquetas dangierosas ont s'entanan aquels paures bogres ?

  • 1
  • 0

Escriu un comentari sus aqueste article