Bandièra01 1180x150: Comuna de Tolosa

Actualitats

Rugbi XIII: la dimenjada espantanta

Pel compte de la quatrena jornada d’Elèit, es pas lo resultat de la partida entre Tolosa e Avinhon que vos va surprendre: victòria dels tolzans 50-8.
 
Dimenge, se debanava lo primièr dèrbi catalan per Palau que recebiá los Dragonets. L’entraïnaire perpinhanés aviá decidit de se passar de sos internacionals. Aquò metèt còr a l’obratge per la formacion locala que s’impausèt 38-22.
 
A Vilanuèva, l’AS Carcassona presentava una esquipa remanejada e rejovenida aprèp la victòria aquesida contra Tolosa la setmana passada, rescontre que daissèt son pes de trucs e nafraduras. Una esquipa dels canaris sens èime se faguèt despassar per la dinamica formacion aquitana que s’impausèt: 25-8.
 
A Limós, l’Estadi de l’Agulha èra plen coma un uòu per la venguda de Lesinhan. Calguèt esperar las darrièras minutas per que Limós afortiguèsse sa victòria: 27-23. Limós demòra atal sens cap de desfaita al cap del classament abans d’anar desfisar Carcassona a Domèc aqueste dimenge de vèspre. Pensatz de vos marcar pel caçolet d’abans la partida jol tibanèl.
 
Dissabte, Avinhon reçauprà Vilanuèva e Tolosa aculhirà los Dragonets. Dimenge, lo rescontre Lesinhan-Palau completarà lo programa de la jornada. L’esquipa de França jogarà aqueste divendres a l’Estadi dels Minims de Tolosa una partida de preparacion fàcia als Estats Units en vista de la Copa del Monde que començarà la dimenjada seguenta.
 
 
 
 
Alan Roch

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Alan Roch Carcassona
1.

Mediatizacion de al Copa del Monde :
- dins lo Jornalet, cronica regulara a comptar de diluns 21/10

* Ràdio-País consacra son emission esportiva a la Copa aqueste dijòus 17/10 (9h45)

* Sul camin d'Òld Traffòrd : cronica del diluns al dissabte sus Ràdio-Lenga d'Òc-Narbona (7h40 ; 14h ; wwww.lengadoc.eu) e sus Ràdio-Lenga d'Òc-Erau (12h50 ; www.radiolengadoc.com)

  • 1
  • 0

Escriu un comentari sus aqueste article