Bandièra01 1180x150: Comuna de Tolosa

Actualitats

Mobilizacion dels liceans d’Avinhon contra la deportacion de Leonarda Dibrani e sa familha

En seguida d’una jornada de manifestacions, son a far una jornada de “sensibilizacion”, e mai an anonciat que començan una cauma de la fam

De protèstas d'estudiants se son debanadas per tot l'estat francés
De protèstas d'estudiants se son debanadas per tot l'estat francés | UNL
L’expulsion d’una familha kosovara, e la faiçon de deportar una de las filhas, Leonarda Dibrani, en l’arrestant pendent una activitat escolara, a provocat l’indignacion de liceans de tot l’estat francés, tanben en Occitània. Es lo cas del sindicat de liceans UNL, que participèt a la mobilizacion generala. En Avinhon, l’UNL amassèt un cinquantenat de liceans ièr a 12h30 davant lo Licèu Teodòr Aubanèu.
 
Dins la protèsta, los liceans avinhonencs an signat un prospècte-peticion de falsa demanda d’asil que remetràn simbolicament uèi al prefècte del departament. An anonciat tanplan que uèi començan una cauma de la fam.
 
“Tanben anam organizar de debats aqueste divendres dintre l’establiment, en luòc dei cors”, çò explicava a La Provence Jérémie Rouaut, responsable federal de l’UNL del departament de Vauclusa. “Sensibilizam totei lei liceans per massificar lo movement. Esperam d’excusas publicas de Manuel Valls, lo retorn de Leonarda en França e l’arrèst complet d’aquelei practicas. Es pas en remandant d’enfants dins son país, coma dison, que se reglarà lei problèmas de França”, çò apondèt.
 
De fach, lo sindicat se ditz “indignat a prepaus de l’umiliacion patida per Leonarda […], tractada coma una criminala”, segon çò que publicava sus sa pagina Facebook.

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

belcour fijac
3.

Luchar contra las marridas pensadas;
Coma que sián son paire sa maire o sa bela-sòr, de qué li demorará de tot aquò a n'aquela drolèta?
De que a causit ela ? sa familha? son pais? Alèra...
Fòra los fascistas! e los que sabèm!

  • 1
  • 0
Maurici
2.

Aürosament que la joventut se mobiliza contra aquel afar vergonhós ! Aquò's un exemple pels autres ciutadans. Quand vesi que d'unes ciutadans an un imatge positiu de Valls, aquò me fa de pensaments per l'avenidor.

  • 7
  • 1
pèire cardenal siverga
1.

comença mai lo balèti dei manifestacions estudiantas que podèm comparar à ço qu'ancian temps li digueriam de monones, valent-a-dire de manifestacions intempestivas , juvenilas e bedigassas à prepaus de ren. mai lo virùs politics se li ei infiltrat e ne degruni lo capelet ben-pensant : contra la lèi Devaquet, co,ntra lo CPr, ço qu'a vaugut cade cop de reculadas de la part de Chirac. Hollande serà sauvat per lei vacanças de Toussants, mai, pecaire, sembla que totei-lei-sants favorisan pas lo president de la republica

  • 2
  • 9

Escriu un comentari sus aqueste article