Bandièra01 1180x150: Comuna de Tolosa

Actualitats

Atac contra un panèl en occitan de Tolosa

| TL
An vandalizat un panèl d’intrada de Tolosa en occitan, çò rapòrta la fòto que ven de nos mandar un legeire e collaborador de Jornalet. Lo fach qu’ajan pas tocat lo panèl en francés fa pensar que s’agís d’una agression contra la nòstra lenga.

La lenga occitana se tròba en una situacion delicada, a mens de parlants que jamai e sa transmission e subrevivença son seriosament menaçadas. Per contra, segon los sondatges, la lenga es mai aimada que jamai e la majoritat dels enquestats son per sa preséncia e subrevivença. Al delà, comença d’èsser de mai en mai presenta dins la senhaletica oficiala de qualques vilas e vilatges.

Mas sembla que sa modèsta preséncia gèine qualque vandal, que la voldriá ja exterminada. Lo nacionalisme francés creissent, que son caval de batalha es una sola lenga per la republica, ajuda pas gaire al drech d’existir de l’occitan.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

pere xàtiva-valencia
10.

Hola amics.
jo vaig viure a Toulouse ja fa molts anys, vaig estudiar a l'universitat "le Mirail" tenia companys que parlaven occità. Vaig conèixer la llengua de prop i m'impresionava que podia entendre-vos i podieu entrendre'm a mì que vos parlava en llengua valenciana, puix, al fons la llengua mare és l'occitana.
Els actes vandàlics sòn fruit de l'intolerància i l'ignòrancia. Hi ha que tindre paciència i parlar sempre en la nostra llengua sense cap vergonya. La transmissió de la llengua de pares a fills és vital i els mitjos de comunicació faran que la nostra llengua estiga present i actuant.
un abraç des de xàtiva-valència i sempre units per la lluita de la nostra llengua, no es desanimeu mai.

  • 6
  • 0
Rei Bèthvéder Nicolau Sent Lis
9.

Aquera ataca contra l'occitan es pas isolada. Jo tanbens vegèri daubuns panèus tocats (le de Bèumont, le de Montaudran). I a bèla pausa que monta un sentiment anti occitan a Tolosa.
Brumbatz-vos de l'afar de l'occcitan dins le mètro mondin on un grop facebook amassèc milierats de personas en contra de la preséncia de la lenga d'òc au mètro.
Participa deu medish fenomène de regèt de l'occitan de la part d'una populacion non-occitana (majoritària ara a Tolosa) e de gents totalament desoccitanizadas.
Se cau arrestar de créser a contaralhas : Tolosa es una vilassa on l'usatge de l'occitan es complètament minoritari e estremat. Ambe 20 000 parisencs que s'installan cada an dins l'aglomeracion ramondina, la desoccitanizacion es de las rapidas.
Aqueth moviment s'acompanha d'una reaccion nacionalista francesa butada per la "lepenizacion" de la societat. Las banlègas tolosanas son tocadas peu cancèr d'extrèma dreta que vomís l'occitan. (véser le miu article deu Jornalet deu 04.01.13)
Atencion, amics occitanistas, vos cau sortir deu vòste ghetto culturau. L'ora es grèva se cau investir politicament, e hèr recular tota aquera pudeishina frontista. Presentatz-vos a las municipalas ! mostratz-vos ! àujatz pas páur au pòble ! L'occitanisme pòt èster una alternativa.

  • 14
  • 0
Mathieu Castel Marselha
8.

#6 Interessant ton liame...

"un panneau TOLOSA seul en bord de route,
où comment perdre les touristes avec des indications qui n'existent dans aucune carte ou GPS"

Paure conastre... Lo tipe incapable de far lo raprochament entre "Toulouse" e "Tolosa" e qu'a de besonh que siegue tradusit per comprene...

"Délégué des Jeunes Actifs de l’UMP en Haute Garonne".

Tot es dins l'apelacion... Ren mai d'apondre.

Cò que risolent (o pietados), es que seria estada UMP la comuna de Tolosa, l'auria agut EXACTAMENT lo mesme comunicat amb la signatura dau "Délégué des Jeunes Actifs du PS en Haute Garonne".

  • 10
  • 0
Cédric Rousseu Tolosa
7.

#6 Te rasseguri Raimon, la version "un occitanista deçaubut de la grafia" era una galejada, aprep de saber se es l'òbra d'una banda organisada (soi pas segur) o un il-luminat tot sol dins son canton, lo saurem benleu jamai...

  • 8
  • 0
Raimon
6.

#4 T'enganes-pas, s'agis plan d'ua accion jacobina, de l'utra-dreta tendencia jacobina sia umpista, sia Fn, qu'existish revendicacions d'aquesta mena suu web, accion revendicadas contra lo clientelisma, contra l'accion culturala demagogica de la municipalitat Cohen. Balhan pas d'etiqueta, mès dèishan compréner que son simpatisants de l'oposicion de dreta "UMPista jacobina", o d'extrèma dreta Fn.

Aqui un ligam qui benlèu pòt balhar ua petita idea de qui pòt aver idea de har aquesta accion de vandalisma : http://archives-lepost.huffingtonpost.fr/article/2011/08/02/2561486_ou-sont-passes-les-panneaux-toulouse.html#reactions.

  • 6
  • 0

Escriu un comentari sus aqueste article