Bandièra01 1180x150: Comuna de Tolosa

Actualitats

crotz-tolosaCreated with Sketch.ProvençaMónegueMónegue

La Comission Europèa recomanda un acòrdi d’associacion amb Mónegue, Andòrra e Sant Marin

L’UE vei pas viable que los tres pichons estats s’intègren a l’Espaci Economic Europèu

Mónegue
Mónegue | Tobi 87
La Comission Europèa ven de publicar un rapòrt sus las relacions amb Mónegue, Andòrra e Sant Marin e escomet sus la negociacion d’un acòrdi d’associacion amb aquestes païses, mas escarta que s’intègren dins l’Espaci Economic Europèu (EEE). “La participacion dels petits païses a l’EEE se considèra pas coma una opcion viabla, per de rasons politicas e institucionalas”, çò ditz lo document, consultat per El Periòdic d’Andorra.
 
Es que del ponch de vista macroeconomic, los redactors del rapòrt considèran que “l’incidéncia economica potenciala de la participacion dels tres microestats al mercat interior de l’UE seriá fòrça limitada”. Per contra, si que se recomanda lo raprochament amb Mónegue, Andòrra e Sant Marin mejançant “un acòrdi d’associacion multilateral unic entre l’UE e los tres estats pichons, preferible a tres acòrdis diferents”.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pèire Cardenal
1.

lo sègle XIX es estat lo sègle dei nacionalismes europencs e paradoxalament ei la França, nacion-estat centralisat qu'a derrevelhat nacionalismes alemand e italian per leis acomplir, ambe Napoleon III e que ne foguèt punit, presonier a Sedan e subretot quand Bismarck oficializèt l'empèri alemand dins la galarià dei glaças dau palai de Versailles. podèm imaginar que n'aurià pas agut d'omes politics o d'ideologs per empurar aqueu nacionalisme e qu'aurià subsistir aquela mirgalhada d'estats mejans e pichonets que compausavan Alemanha e itàlia, que Monegue, sant Marin e Lichtenstein ne son leis esposcaduras. se supausam que la monarquia austro-ungaresa se serià puei escarpida en autonomia etnica, non i auriàn pogut esclatar aquelei guèrras mondialas qu'an ravatjat Europa, d'estats pariers a mounegue e Andorra podon pas ésser trop guerrejaire e se lo principat de Lichtenstein a subreviscut, ei perque s'eis acostat a la conferacion elvetica, un Duo-Dez Staat qu'a mostrat sa grandor en 1945 quand aguèt refusat de liurar lei sordats russos de l'armada lassov que seriàn estats quantequant esterminats, oblidèm pas nimai qu'Estalin, lo grand umanista a agut mandat totei lei presoniers russos qu'aviàn subreviscut dins lei camps dau Golag en Siberia

  • 2
  • 0

Escriu un comentari sus aqueste article