Bandièra01 1180x150: Comuna de Tolosa

Actualitats

An barrat la television valenciana a la faiçon d’un “còp d’estat”

Los salariats an resistit pendent 12 oras en retransmetent en dirècte. Lo barrament l’a fach una comission de liquidators acompanhats de mai d’un policièr

A 12h19 d’aqueste divendres passat, 29 de novembre, l’emission de Canal 9, la television publica valenciana, s’enanèt dins lo negre. Una comission de liquidators intrèt dins la bastissa d’RTVV (Ràdio-Television Valenciana), acompanhada d’un grand dispositiu policièr, e barrèt las emissions, mentre que los salariats cridavan “Aquò es un còp d’estat.” Es aital que lo govèrn autonomic valencian del Partit Popular a mes fin a vint e quatre ans de television publica dins la lenga del país.
 
Lo govèrn valencian aviá ensajat de barrar RTVV la nuèch precedenta, mas la resisténcia dels salariats empediguèt lo barrament de las emissions de Canal 9 pendent dotze oras. Poguèron pas evitar lo barrament de Ràdio 9, que se faguèt per suspresa a mièjanuèch de dijòus a divendres.
 
La preséncia de la polícia dins lo sit fasiá preveire que lo barrament seriá rapid. Sul pic, de salariats, de personalitats e de politicians opausats al barrament s’acampèron davant las pòrtas del sit principal, a Burjassot (près de la vila de Valéncia). Per una error de la polícia, capitèron d’intrar e es alavetz que comencèt una nuèch fòrça longa amb d’emissions de resisténcia de Canal 9. De matin apareguèt lo tecnician engatjat pel govèrn valencian per barrar l’emission, mas o faguèt pas: “Ma consciéncia me ditz que s’amòrte pas”, çò diguèt l’òme, conegut amb l’escais de Paco Telefunken. En seguida, l’etiqueta #PacoTelefunkenSomTots (sèm totes Paco Telefunken), venguèt lo principal subjècte de mòda sus Twitter dins totes los Païses Catalans.
 
De nuèch, la polícia tanben èra intrada dins la sedença de Ràdio 9, e mai dins la delegacion d’RTVV a Alacant, en empedissent l’intrada als salariats. Silencièron Ràdio 9 qualques minutas abans 1h. Los salariats contunhèron las emissions per Internet per la frequéncia de Sí Ràdio, e mai s’a 3h recebián d’e-mails que lor disián que devián anar pas al trabalh.
 
Mentretant, dins lo sit de Burjassot, los jornalistas e los acampats fasián una emission extraordinària en explicant en dirècte tot çò que se passava, amb la participacion de personalitats qu’i èran anadas.
 
Tot lo procès repressiu de barrament forçat s’es vist en dirècte, e pas solament al País Valencian. De mèdias de totes los Païses Catalans reemetián lo senhal: VilaWeb o fasiá per Internet del temps que TV3 (la television en lenga catalana del Principat) o fasiá pel 3/24, lo canal de 24 oras d’informacions.
 
 
Placatge dels jornalistas al govèrn valencian
 
Los jornalistas plaquèron lo govèrn valencian e anèron pas a la conferéncia de premsa del conselh de govèrn d’ièr divendres, en protèsta contra lo barrament de Canal 9. Segon de fonts del quite govèrn valencian, la conferéncia de premsa se faguèt sens cap de jornalista dins la sala.
 
 
 
_____
Vidèo: l’istorica darrièra minuta de Canal 9

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Francesc Barcelona
5.

I visca Canal 9 en valencià, sense sectarismes, sense patir els robatoris de llurs directius, no balafiador, amb els comptes clars, de cap manera autoritari ni censurat, on es persegueixi penalment l'acosament sexual, plural, respectuós amb totes les positures polítiques, amb una programació de qualitat i feta amb esperit positiu i amb consciència de valencianitat. I això no té res a veure amb dretes i esquerres, sinó amb l'ètica professional i personal

  • 1
  • 0
Francesc Barcelona
4.

Oi que van informar molt bé sobre l'accident al metro de València? I dels desastres de Terra Mítica? I dels casos de corrupció d'en Zaplana, d'en Fabra i d'en Camps? Per què, com i qui és responsable del desastre financer de Canal 9? I això no té res a a veure amb esquerres i dretes. Té a veure amb l'ètica personal i professional.

  • 0
  • 0
Francesc Barcelona
3.

Et deixes uns quants mots, Toni, fora Canal 9, acastellanat, absolutament sectari, robat per llurs directius, balafiador, autoritari, censurat, on s'hi ha practicat l'acosament sexual, mancat de pluralitat, descaradament pro PP i volgudament vulgar i sense consciència de valencianitat.

  • 0
  • 0
toni xativa pais valenciá
2.

Tota l'esquerra valenciana i catalana han fet prou la má tot lo temps, i ara reclamen ... que es toquen els collons.
el conceller del PP té raó al dir:

“Els que apareixen ara amb banderes independentistes a la porta de RTVV, o els que es posen darrere de pancartes demanant eleccions anticipades, són els que s’han dedicat aquests últims anys a dir en els mítings ‘fora Canal 9’.

  • 0
  • 1
Francesc Barcelona
1.

Aquò es la vertadièra Espanha! O sabiatz pas?

  • 5
  • 0

Escriu un comentari sus aqueste article