Las hèstas de Vic de Fesensac, famosas hòrt delà los tucaus d'Armanhac, se daubriràn uei dissabte, per tres dias d'espectacles taurins, de musica e de danças.
Totun la municipalitat e los organizators sajaràn ongan de's des·har de l'imatge de hartèira giganta que s'es pauc a pauc estacada a la "Pentecôtavic". De hèit, las darrèiras annadas vedoren una afluéncia considerabla envadir las ruas de la vilòta gascona. En seteme passat Michel Sanroma, conse de Vic, mandèt sons administrats a votar per decidir o non de mantenir la hèsta. Mei deu 60% deus poblants se prononcièren lavetz per una suspension en 2012 e 2013.
Pas nada suspension, a la fin finala, mès programacion com organizacion son estats adobats francament. Las corsas de taurs, hòrt estimadas peus aficionats occitans, se gaharàn tornarmei una plaça centrala, e los possessors de bilhets seràn favorizats per s'aparcar pròches de la ciutat. Susquetot, las autorizacions de debit de bevudas son estadas limitadas ongan, e hòra deus estanquets costumèirs e de las associacions localas (a l'esplanada de las arenas), serà pas possible de consomar alcoòl.
La gent esperan un beròi temps, adara, e qu'aqueras hèstas tradicionalas e dehèt prisadas se debanin shens esquiç e dab gaujor, shens las batsarras e los excès que caracterizavan las darrèiras edicions.
Pèir-Joan Masdiset
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Corrida: vergonha,
Hòra de Gasconha!
La tortura,
n’ei pas nòsta cultura!
A Vic, coma endacòm mès: abolicion de la corridas!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari