Actualitats
Tolosa a celebrat la Carta de las Libertats Comunalas
En ocasion de la commemoracion del 825n anniversari de la naissença de la Republica de Tolosa
Tèxte legit
La vila de Tolosa commemorèt ièr lo 825n anniversari de la signatura d’una carta istorica. Lo 6 de genièr de 1189 lo comte Ramon V liurèt los podèrs civils al pòble de Tolosa, après una revolucion borgesa. Lo poder lo prenguèron los capítols, los dotze oficièrs municipals de la ciutat mondina que bastirián lo Capitòli. La Republica de Tolosa representèt lo pòble tolosan fins a sa dissolucion pendent la Revolucion Francesa.
En ocasion d’aquel anniversari, la sala dels illustres del Capitòli de Tolosa aculhiguèt una ceremonia de commemoracion amb la participacion de la comuna de Tolosa e de Joan-Francés Laffont, president de Convergéncia Occitana. Jòrdi Passerat, doctor en teologia e professor d’istòria medievala, legiguèt la Carta de las Libertats Comunalas; Francesca Daga cantèt “La Tolosana”; los enfants de la calandreta Garoneta e del nòu collègi calandreta de Tolosa cantèron de cançons dont “La Sobeirana” e l’imne occitan “Se canta”; e lo grop Set de cant qu’interpretèt de polifonias.
En ocasion d’aquel anniversari, la sala dels illustres del Capitòli de Tolosa aculhiguèt una ceremonia de commemoracion amb la participacion de la comuna de Tolosa e de Joan-Francés Laffont, president de Convergéncia Occitana. Jòrdi Passerat, doctor en teologia e professor d’istòria medievala, legiguèt la Carta de las Libertats Comunalas; Francesca Daga cantèt “La Tolosana”; los enfants de la calandreta Garoneta e del nòu collègi calandreta de Tolosa cantèron de cançons dont “La Sobeirana” e l’imne occitan “Se canta”; e lo grop Set de cant qu’interpretèt de polifonias.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Se remembrar que los podèrs civils foguèron balhats al pòble de Tolosa al segle XII pel comte Ramon V
aquò pas de folclòre mas una leiçon de l'Istòria : la democràcia e la republica que son l'eretatge grèc plan abans lo de la "Revolucion francesa" ! Adonc òsca a la Vila de Tolosa e a l'associacion Convergéncia
Las vaqui las paraulas en grafia classica : http://fr.wikisource.org/wiki/La_Tolosenca
E en grafia patesanta (çaquelà amb d'audios en supòrt)
http://www.les-petites-toulousaines.com/La-Toulousaine.htm
"Francesca Daga cantèt “La Tolosana”" : auriatz las paraulas ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari