Actualitats
Sochi 2014: Pierre Vaultier a ganhat l’aur a la corsa d’snowboard per miracle
L’esportiu alpenc participèt amb una esquinçada al ligament crosat del genolh drech
L’esportiu briançonés Pierre Vaultier, de 26 ans, ganhèt la medalha d’aur a la corsa d’snowboard als Jòcs Olimpics d’ivèrn que se debanan a Sochi (Russia). L’esportiu se mostrèt estonat, “aurio jamai pensat de reüssir aquesta espròva”, çò diguèt. D’efièch, l’esportiu occitan s’esquincèt lo ligament crosat del genolh drech en decembre passat.
Après una 9a plaça als Jòcs Olimpics de Vancouver en 2010 e una 5a posicion al Mondial d’Andalosia en 2011, e mai après sa lesion al Mondial de 2013 en Canadà, l’esportiu briançonés a participat e a quitament ganhat l’aur. “Es just incresable çò que m’arriba encuei. Ai pas pus de liament crosat, corro amb una estèla, fai dos mes aquò seriá estat impossible. Es un miracle”, çò diguèt Vaultier a France 3.
Après una 9a plaça als Jòcs Olimpics de Vancouver en 2010 e una 5a posicion al Mondial d’Andalosia en 2011, e mai après sa lesion al Mondial de 2013 en Canadà, l’esportiu briançonés a participat e a quitament ganhat l’aur. “Es just incresable çò que m’arriba encuei. Ai pas pus de liament crosat, corro amb una estèla, fai dos mes aquò seriá estat impossible. Es un miracle”, çò diguèt Vaultier a France 3.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Dins los medalhats e las medalhadas (malurosament pel profiech de l'imperialisme Francés)
cal pas oblidar la Chloe Trespeuch dins sabi pas quina disciplina.
En francés Trespeuch aquò vòl dire "de l'autre côté de la colline"
cf : pagina 774 del Dictionnaire des noms de familles et noms de lieux du midi de la France del Jacques Astor a las Editions du Beffroi
Òsca Pèire Vaultier! Òsca Alèx Puente!
" d'snowboard" ça dits ... auría mai vist d'esnowboard, "es nòu bòrd" :-) en òc " pòsta de nèu" cal sap ? aquò rai soi pas lenguista.. de tòt biaís es pas qu'una pòsta per limpar sus la nèu e la te vendon coma lor agrada. A tu de la crompar coma vos. anem zo fai tirar !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari