Actualitats
L’Audiéncia Nacionala espanhòla a entendut los verificadors internacionals
Lo jutge Ismael Moreno ordenèt lor comparucion per qu’expliquèsson lors contactes amb ÈTA. L’amassada entre los membres d’ÈTA e los verificadors internacionals se debanèt a Tolosa a la fin de genièr
L’Audiéncia Nacionala espanhòla, un tribunal d’excepcion, entendèt ièr los membres de la Comission Internacionala de Verificacion per lors contactes amb ÈTA dins l’encastre del procès de desarmament. Lo jutge voliá conéisser l’identitat dels membres d’ÈTA qu’apareisson dins lo vidèo que la BBC publiquèt e ont liuran una part simbolica de lors armas davant los membres de la comission. Pasmens, los verificadors an pas identificat “degun”, segon çò qu’eles meteisses expliquèron als mèdias.
Los tres membres de la Comission Internacionala de Verificacion que compareguèron davant lo jutge a Madrid declarèron que lors interlocutors d’ÈTA lor donèron lor “engatjament verbal” de sagelar las armas que mostrèron publicament, segon çò qu’an raportat de fonts de l’Audiéncia Nacionala espanhòla. Tanben expliquèron al jutge que, un còp mostradas las armas, los membres d’ÈTA las metèron dins una boita e las tornèron emportar, segon çò qu’an raportat qualques mèdias espanhòls. De mai, refermèron lor “experiéncia” en la resolucion de conflictes d’aquel tipe e lor “professionalitat” e soslinhèron que trabalhan “amb lo sosten d’una granda majoritat”.
La reünion entre los membres d’ÈTA e los verificadors internacionals se debanèt a Tolosa a la fin de genièr, en seguida d’una letra anonima d’ÈTA mandada a la comission per los convocar en aquel inici de desarmament.
“I a una oportunitat autentica per la patz”
“Cresèm que i a una oportunitat autentica per la patz”, çò afirmèt lo pòrtavotz de la Comission Internacionala de Verificacion, Ram Manikkalingam, a la sortida de l’Audiéncia Nacionala espanhòla. “Trabalham per consolidar la patz e per la coexisténcia dins lo Bascoat. Tre que se declarèt l’alta al fuòc permanenta e verificabla de faiçon unilaterala, ÈTA a mantengut lo cessament de l’activitat armada e a complit los sieus engatjaments. Es ara es ora de sagelar las armas e de las metre fòra usatge”, çò diguèt Manikkalingam als mèdias.
Lo president del Bascoat, Iñigo Urkullu, anèt a Madrid per sosténer los verificadors.
La Comission Internacionala de Verificacion es formada de sièis personas amb una longa experiéncia internacionala en de procèsses de patz, coma los d’Irlanda del Nòrd, Sud-Africa, Sri Lanka, Kosova, Tanzania o Iraq. Ram Manikkalingam (Sri Lanka), Ronnie Kasrils (Sud-Africa), Aracelly Santana (Eqüator), Chris Maccabe (Reialme Unit), Satish Nambiar (Índia) e Fleur Ravensbergen (Olanda) arribèron dijòus passat al Bascoat per anonciar un gèst de desarmament de la banda armada. Aquela comission se constituiguèt en setembre de 2011, un mes abans qu’ÈTA anoncièsse lo “cessament definitiu de son activitat armada”.
Los tres membres de la Comission Internacionala de Verificacion que compareguèron davant lo jutge a Madrid declarèron que lors interlocutors d’ÈTA lor donèron lor “engatjament verbal” de sagelar las armas que mostrèron publicament, segon çò qu’an raportat de fonts de l’Audiéncia Nacionala espanhòla. Tanben expliquèron al jutge que, un còp mostradas las armas, los membres d’ÈTA las metèron dins una boita e las tornèron emportar, segon çò qu’an raportat qualques mèdias espanhòls. De mai, refermèron lor “experiéncia” en la resolucion de conflictes d’aquel tipe e lor “professionalitat” e soslinhèron que trabalhan “amb lo sosten d’una granda majoritat”.
La reünion entre los membres d’ÈTA e los verificadors internacionals se debanèt a Tolosa a la fin de genièr, en seguida d’una letra anonima d’ÈTA mandada a la comission per los convocar en aquel inici de desarmament.
“I a una oportunitat autentica per la patz”
“Cresèm que i a una oportunitat autentica per la patz”, çò afirmèt lo pòrtavotz de la Comission Internacionala de Verificacion, Ram Manikkalingam, a la sortida de l’Audiéncia Nacionala espanhòla. “Trabalham per consolidar la patz e per la coexisténcia dins lo Bascoat. Tre que se declarèt l’alta al fuòc permanenta e verificabla de faiçon unilaterala, ÈTA a mantengut lo cessament de l’activitat armada e a complit los sieus engatjaments. Es ara es ora de sagelar las armas e de las metre fòra usatge”, çò diguèt Manikkalingam als mèdias.
Lo president del Bascoat, Iñigo Urkullu, anèt a Madrid per sosténer los verificadors.
La Comission Internacionala de Verificacion es formada de sièis personas amb una longa experiéncia internacionala en de procèsses de patz, coma los d’Irlanda del Nòrd, Sud-Africa, Sri Lanka, Kosova, Tanzania o Iraq. Ram Manikkalingam (Sri Lanka), Ronnie Kasrils (Sud-Africa), Aracelly Santana (Eqüator), Chris Maccabe (Reialme Unit), Satish Nambiar (Índia) e Fleur Ravensbergen (Olanda) arribèron dijòus passat al Bascoat per anonciar un gèst de desarmament de la banda armada. Aquela comission se constituiguèt en setembre de 2011, un mes abans qu’ÈTA anoncièsse lo “cessament definitiu de son activitat armada”.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Dins la meteissa setmana, Espanha a interdich de jutjar los genocidas e visa jutjar los verificadors internacionals. Espanha vòl pas la patz
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari