Bandièra01 1180x150: Comuna de Tolosa

Actualitats

crotz-tolosaCreated with Sketch.LengadòcLengadòc BasNarbonés

Se presenta a Narbona lo libre A un pam de la independència

Lo libre de Vicent Partal se presentarà lo 22 de març que ven, seguit d’un debat organizat per País Nòstre. De matin i aurà d’animacions per aculhir lo jornalista catalan

Vicent Partal
Vicent Partal | Kippelboy
Après mai de cinquanta presentacions reüssidas dins totes los Païses Catalans, a Brussèlas, a Luxemborg, en Irlanda e quitament a Tolosa, lo jornalista catalan Vicent Partal presentarà a Narbona son libre A un pam de la independència (A un palm de l’independéncia).
 
La presentacion se debanarà a 15h dins la sala del restaurant Istambol (Istanbul), al numèro 21 bis del Baloard Marcèl Sembat. En seguida, Joan-Pèire Laval guidarà un debat sus l’independéncia de Catalonha e sas repercussions en Occitània. Ràdio Lengadòc e qualques mèdias escriches an anonciat lor preséncia.
 
De matin, una còla de bodegaires aurà aculhit Partal a la gara de Narbona a 11h25. Lo cortegi aurà contunhat fins al monument de l’escrivan occitan Pau Albarèl ont se serà fach un omenatge.
 
A un pam de la independència es lo darrièr libre del director de VilaWeb, qu’examina cossí Catalonha es arribada a la situacion actuala, en seleccionant los melhors editorials del sieu jornal pendent las sièis darrièras annadas, e tanben per mejan de tèxtes novèls, que se referisson mai que mai a las caracteristicas que deuriá aver la republica catalana. Lo libre apareguèt a fin de març de 2013 e es un dels mai venduts en Catalonha dins la categoria de non-ficcion.
 
Mai d’entresenhas sul sit de País Nòstre o al telefòn: +33(0) 6 72 55 04 36.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Domergue Sumien Ais de Provença
1.

Mercé a País Nòstre de far venir Vicent Partal.
Mercé a País Nòstre de sosténer l'independéncia de Catalonha.
Ara esperam que País Nòstre revendique tanben l'independéncia d'Occitània. Que seriá coerent.

  • 17
  • 2

Escriu un comentari sus aqueste article