Bandièra01 1180x150: Comuna de Tolosa

Actualitats

crotz-tolosaCreated with Sketch.ProvençaProvençaPaís d'Ate

Gòrda: lo vilatge mai polit del Mond segon CNN

| Luc Viatour
CNN, la populara cadena de television estatsunidenca, publiquèt fa dos ans una lista “tòp dètz” dels vilatges mai polits del Mond, ont lo vilatge provençal de Gòrda (País d’Ate) es al numèro 1.
 
Al delà de la beutat del vilatge e del país, ne soslinhan l’accion politica long de l’istòria, bòrd que Gòrda, plaçada sus un puèg estrategic, joguèt son ròtle dempuèi lo temps dels romans fins a la resisténcia antinazi. Ara, en temps de patz, la cadena estatsunidenca ne soslinha las polidas carrièras enpeiradas, las plaças e las vistas sul país. Son aqueles païsatges qu’an atirat ailà d’artistas coma Chagall e Vasarely, çò dison.
 
Las atraccions toristicas que ne parla aquel tòp dètz son lo mercat sus la plaça, dominada per un castèl normand, los camps de lavanda de l’entorn e l’Abadiá de Senhanca del sègle XII.





Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pirolet
4.

E ben! se sèm los mai polits, de qué nos podèm plànher?

  • 2
  • 0
Amalric de Montreal Montreal de Carcassés
3.

#2 Ai una responsa ja pro coneguda. Cada estajant del mond occidental deu èsser limitat a possedir doás adressas, e pas mai. E encara, amb una reglamentacion empachant implacablament tota pus-valguda traita de l'especulacion immobilièra. Cap estajant pòt pas eiretar de mai d'una adressa. D'un biais general, cal limitar l'accès a la proprietat privada al 'estricte necessari, una o doás adressas, e res mai.

  • 6
  • 1
Gerard Joan Barceló Pèiralata
2.

#1 Leis occitanistas avèm de prepausar una reflexion e una accion per servar nòstre territòri de la despossession, coma se fai ja en Corsega.

  • 5
  • 1
Jig Mimbasta
1.

Grasitz brave monde.
Adara la toristalha plotocrata que s'i va poder arronçar, crompar a millions la mei petita arroeina tà'n har ua auberga de luxe, e hicar lo vilatge tot hòra de prètz tau quite estatjant, qui ne poirà pas mei pagar la taxa d'abitança tà l'ostau de familha qui aucupèva dempuish sèt generacions.
Dab lo « lush countryside » e las « green hills » que van poder har de beròis gòlfs tanben : sonque cau esperar qu'agin ua bèra jaça freatica ta'us mantiéner lush and green.
Tà víver urós, vívim esconuts.

  • 11
  • 0

Escriu un comentari sus aqueste article