Actualitats
Bové crida a la desobesissença civila per la diversitat lingüistica
“Avèm un estat francés que respècta pas lo drech europèu”, çò a dich a Sud-Ouest
José Bové a fach una crida als cònsols del departament dels Pirenèus Atlantics per que desobesiscan al prefècte, en nom del drech europèu, per protegir las Calandretas e las Ikastolas. Aital o remembrava lo politician occitan a Sud-Ouest, a prepaus de sa participacion de sosten a la fèsta de las Ikastolas en Bascoat.
Es aital que Bové prepausa de luchar contra la decision del prefècte del departament dels Pirenèus Atlantics (Bearn, Bas Ador e Bascoat Nòrd), qu’exigís de respectar la lei Falloux, una lei de 1850 qu’enebís la mesa a disposicion de locals als establiments privats. Dins aquel contèxt d’una lei del sègle XIX, e en cas de son aplicacion estricta, lo prefècte a demandat a la vila d’Artics de barrar la Calandreta lo 4 de julhet que ven, çò que provoquèt ja una protèsta de fòrça gents a Pau lo 15 de març passat.
Bové encoratja los cònsols a desobesir al prefècte amb la mesa a disposicion de bastiments, e quitament de construccions, per las escòlas Calandretas o Ikastolas. Dins aquel sens, lo deputat milhavés assegura qu’en cas d’afrontament entre un municipi e un departament, se poiriá demandar l’intervencion de la Cort de Justícia de l’Union Europèa o de la Cort Europèa dels Dreches Umans.
Bové tanben compara las politicas lingüisticas d’autres estats d’Euròpa en amb la de l’estat francés. “Ai l’impression qu’en França sèm dins una autra istòria. Pr’aquò, aquesta diversitat de lengas, de culturas, es al còr de las preocupacions d’Euròpa”. En mai d’aquò remembra qu’“Euròpa a una devisa: «units dins la diversitat». Aquò vòl dire quicòm”.
José Bové mençona pereu lo Manifèst per las Minoritats Nacionalas e Lingüisticas de l’UE qu’impulsèt François Alfonsi e que signèron un cinquantenat de deputats, e soslinha que la mitat dels vòtes contra aquel document provenián d’elegits franceses.
Es aital que Bové prepausa de luchar contra la decision del prefècte del departament dels Pirenèus Atlantics (Bearn, Bas Ador e Bascoat Nòrd), qu’exigís de respectar la lei Falloux, una lei de 1850 qu’enebís la mesa a disposicion de locals als establiments privats. Dins aquel contèxt d’una lei del sègle XIX, e en cas de son aplicacion estricta, lo prefècte a demandat a la vila d’Artics de barrar la Calandreta lo 4 de julhet que ven, çò que provoquèt ja una protèsta de fòrça gents a Pau lo 15 de març passat.
Bové encoratja los cònsols a desobesir al prefècte amb la mesa a disposicion de bastiments, e quitament de construccions, per las escòlas Calandretas o Ikastolas. Dins aquel sens, lo deputat milhavés assegura qu’en cas d’afrontament entre un municipi e un departament, se poiriá demandar l’intervencion de la Cort de Justícia de l’Union Europèa o de la Cort Europèa dels Dreches Umans.
Bové tanben compara las politicas lingüisticas d’autres estats d’Euròpa en amb la de l’estat francés. “Ai l’impression qu’en França sèm dins una autra istòria. Pr’aquò, aquesta diversitat de lengas, de culturas, es al còr de las preocupacions d’Euròpa”. En mai d’aquò remembra qu’“Euròpa a una devisa: «units dins la diversitat». Aquò vòl dire quicòm”.
José Bové mençona pereu lo Manifèst per las Minoritats Nacionalas e Lingüisticas de l’UE qu’impulsèt François Alfonsi e que signèron un cinquantenat de deputats, e soslinha que la mitat dels vòtes contra aquel document provenián d’elegits franceses.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Calandreta defensora de la diversitat linguistica?
me fasètz riure!
Gaitatz la colona de drecha dins la rubrica blocs a que de Nou Leon.
E quina ei la faiçon de lo har?
« Dins aquel contèxt d’una lei del sègle XIX, e en cas de son aplicacion estricta, lo prefècte a demandat a la vila d’Artics de barrar la Calandreta lo 4 de julhet que ven » A Senta Gabèla, al sud de Tolosa, la Comuna tanben volguèt ajudar Calandreta. La meteissa oposicion de principi li foguèt significada. Una escòla publica barrava sul vilatge (dins la dralha del demesiment del servici public). E ben lo quite rectorat de l'acadèmia de Tolosa empachèt formalament d'ocupar aqueles locals abandonats per i installar una Calandreta. Ne foguèron redusits a logar una villa… Aquò se ditz "França". Òsca la republica occitana !
Enfin un discors politic occitanista interessant!
Que los minimalistas e francistas de tota mena ne prengan un chic de gran!
Ja es temps de daissar d'aver paur de far paur.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari