Actualitats
Corsega: l’FNLC quita las armas
…en tot començar “un procès de desmilitarizacion e de sortida de la clandestinitat”
Lo Front de Liberacion Nacionala de Corsega (FLNC) anoncièt dimècres passat son intencion de depausar las armas “sens condicions”. Dins un comunicat publicat per qualques mèdias, que publicam tanben en un fichièr çai jonch, lo grop independentista fa una crida als elegits de l’illa per “l’instauracion d’un nòu estatut negociat amb l’estat francés” e per la resolucion de l’afar dels diches “presonièrs e recercats politics”.
“Nòstra organizacion a decidit unilateralament d’aviar un procès de desmilitarizacion e una sortida progressiva de la clandestinitat”, çò ditz l’FNLC, que precisa pas cossí se debanarà aquel procès.
Lo comunicat, de 14 paginas e autentificat per la publicacion mesadièra Corsica, apond que tre lo moment de la divulgacion, los integrants refusaràn las accions militaras dins “lo territòri còrs e francés”.
L’FNLC se fondèt en 1976 per revendicar l’independéncia de Corsega. De sa creacion enlà, se consagrèt a l’extorsion en exigissent lo dich “impòst revolucionari” als franceses continentals que vivián en Corsega, e tanben als pènegres, los repatriats d’Argeria qu’entre los ans 1958 e 1970 s’èran installats dins la planura orientala de l’illa.
L’FNLC considèra que lo govèrn francés practica en Corsega, dempuèi 250 ans, una “gestion purament coloniala”, en fasent una politica basada sul nepotisme.
De fach, la politica democratica de l’illa ten tanben un braç de fèrre amb l’estat francés. L’assemblada de Corsega demandèt un cambiament institucional que singularizèsse lo país dins la republica e que li donèsse d’autonomia, en començant per la cooficialitat del còrs e per un estatut de resident. París o refusa en disent qu’es “impossible”.
“Nòstra organizacion a decidit unilateralament d’aviar un procès de desmilitarizacion e una sortida progressiva de la clandestinitat”, çò ditz l’FNLC, que precisa pas cossí se debanarà aquel procès.
Lo comunicat, de 14 paginas e autentificat per la publicacion mesadièra Corsica, apond que tre lo moment de la divulgacion, los integrants refusaràn las accions militaras dins “lo territòri còrs e francés”.
L’FNLC se fondèt en 1976 per revendicar l’independéncia de Corsega. De sa creacion enlà, se consagrèt a l’extorsion en exigissent lo dich “impòst revolucionari” als franceses continentals que vivián en Corsega, e tanben als pènegres, los repatriats d’Argeria qu’entre los ans 1958 e 1970 s’èran installats dins la planura orientala de l’illa.
L’FNLC considèra que lo govèrn francés practica en Corsega, dempuèi 250 ans, una “gestion purament coloniala”, en fasent una politica basada sul nepotisme.
De fach, la politica democratica de l’illa ten tanben un braç de fèrre amb l’estat francés. L’assemblada de Corsega demandèt un cambiament institucional que singularizèsse lo país dins la republica e que li donèsse d’autonomia, en començant per la cooficialitat del còrs e per un estatut de resident. París o refusa en disent qu’es “impossible”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
E l'estat francés, quita las armas, el tanben ? Del costat del Hedars, per exemple, a Pau ?
E l'estat francés quita leis entrepachas devèrs lei còrs ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari