Bandièra01 1180x150: Comuna de Tolosa

Actualitats

Lo Festenal d’Avinhon aurà luòc malgrat las protèstas dels intermitents de l’espectacle

Profecharàn de l’escasença per difusar lors revendicacions

| Henri Sivonen
Lo Festenal d’Avinhon aurà luòc, malgrat que las protèstas dels intermitents de l’espectacle faguèsson preveire d’interrupcions a la sason de festenals que comença en Occitània. Los sindicalistas avián cridat a un jorn de cauma per l’inauguracion del festenal de la Ciutat dels Papas, divendres que ven, mas los salariats an votat contra aquela mesura. An fach parièr los salariats del festenal d’opèra d’Ais de Provença, que comença aquesta setmana.
 
Aperaquí l’80% dels personals del Festenal d’Avinhon, reünits en assemblada generala, votèron diluns la mantenença de l’eveniment, mas amb de possiblas accions. “Volèm que siá una caissa de ressonança per lei revendicacions dei precaris”, çò expliquèt a l’AFP un representant del personal. Aital, considèran qu’es preferible de menar a tèrme lo festenal e de l’emplegar coma veirina de difusion de lors revendiacions.
 
Los intermitents de l’espectacle protèstan dempuèi qualques meses en oposicion al projècte del MEDÈF, l’organizacion patronala francesa, que prepausa la desaparicion particulara dels intermitents de l’espectacle per los fondre dins lo regim general de l’assegurança caumatge.
 
La paur i èra. En 2003, lo Festenal d’Avinhon foguèt completament cancelat per de protèstas similaras contra los ensages del govèrn francés de cambiar la legislacion dels artistas.
 
Los intermitents de l’espectacle son, dins l’estat francés, d’artistas o de tecnicians que trabalhan per intermiténcia, en alternant de periòdes d’emplec o de caumatge, e qu’òbran dins d’entrepresas d’espectacle en viu, de cinèma e d’audiovisual; e benefícian de prestacions de caumatge mai favorablas que las del regim general.
 
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

antalya
15.

#14 E ben escota as ganhat m'en vau ! n'ai un confle de las atacas personalas tanlèu qu'es un punt de vista desvariat dels vòstre. Iò es pas jamai facha d'atacas personalas.
Veniai per l'occitan subretot, mas vau pas contunhar segur qu'al fial del temps ne'n perdrai ma lenga, aquò rai es ja mietja perduda, puèi de tot biais m'en servici sonqu'amb la familha e damorarà atal quand veirai la familha. Lo demai m'en foti !

  • 0
  • 0
Ernèst Guevara Jr. L'Avana
14.

#12 Sus de sitis de prensa en linha coma los de Libération ou de Le Monde (jornals de centre dreita s'imaginant cridiblament d'esquèrra…) apèlan las gents coma Antaya un troll. Personalament, apèli mailèu aiçò un masoquista, qualqu'un que plan li agrada de venir manjar dins la mand d'aqueles que, sistemicament, automaticament, non pòdon pas far res mens que de lo trepejar socialament. E ben Antalya, t'i desiri bon e brave plaser. Subre aqueste sicut, i as l'avenidor tot alandat !…

  • 0
  • 0
antalya
13.

#12 Bof bof bof !

  • 0
  • 0
Ernèst Guevara Jr. L'Avana
12.

#7 S'agís pas de flabutatge mas de donadas socio-economicas. Après, plan segur, i a pas mai cèc que lo que vòl pas veire, ni mai sord que lo que vòl pas ausir… Aquò, es pas en afortissent qu'una causa o un autra es de "flabutatge" que se demòstra qu'o es… En mai d'aquò, la causa foguèsse plan coneguda coma o pretendes, la dreita et los socialistas, a eles dos, farián pas 1% dels sufratges ! Pensi pas ieu que siá tant coneguda qu'aquò !

  • 1
  • 0
antalya
11.

#10 E ben escota ai pas besonh de degun per me diser ço que devi legir. Plan mercès.

  • 0
  • 1

Escriu un comentari sus aqueste article