Actualitats
Cinc proposicions de bandièra britanica après l’independéncia d’Escòcia
Dos grafistas britanics an preparat qualques proposicions fòrça estonantas
Cossí serà la bandièra del Reialme Unit après l’independéncia d’Escòcia? Aquò es una question que fa perpensar dempuèi longtemps de mèdias e d’especialistas en grafisme e simboligia britanics. Los grafistas Quentin Newark e Kevin Denoual an preparat cinc proposicions per la bandièra britanica sens Escòcia. Qualques proposicions seguisson un modèl logic seguent l’istòria dels simbòls britanics. Mas d’autras son estonantas de verai.
La bandièra britanica actuala, dicha Union Jack, nasquèt de l’integracion de las bandièras de la crotz de Sant Andrieu escocesa, de la crotz de Sant Jòrdi anglesa e de la crotz de Sant Patrici irlandesa. La bandièra la creèt en 1606 lo rei Jaume, un sègle abans l’union entre Anglatèrra e Escòcia (1707). E foguèt pas adoptada oficialament coma bandièra de l’union abans 1801. Galas i es pas representada perque, quand apareguèt la primièra version oficiala de la siá bandièra, s’èra ja joncha amb Anglatèrra. La bandièra del País de Galas, un dragon roge sus un fons blanc e verd, es del sègle XV.
Dins lo libre blanc sus l’Escòcia independenta, lo govèrn escocés anonciava que la bandièra del nòu estat seriá la bandièra de Sant Andrieu. Aquel simbòl a coma origina legendària lo martiri de l’apòstol crestian Sant Andrieu, e apareguèt per lo primièr còp al Reialme d’Escòcia en 1180 jos lo règne de Guilhèm Ir. Aquel imatge tornèt aparéisser suls sagèls que s’emplegavan a la fin del sègle XIII. En 1286 èra un simbòl utilizat pels Gardians d’Escòcia (caps d’estat de facto).
La bandièra britanica actuala, dicha Union Jack, nasquèt de l’integracion de las bandièras de la crotz de Sant Andrieu escocesa, de la crotz de Sant Jòrdi anglesa e de la crotz de Sant Patrici irlandesa. La bandièra la creèt en 1606 lo rei Jaume, un sègle abans l’union entre Anglatèrra e Escòcia (1707). E foguèt pas adoptada oficialament coma bandièra de l’union abans 1801. Galas i es pas representada perque, quand apareguèt la primièra version oficiala de la siá bandièra, s’èra ja joncha amb Anglatèrra. La bandièra del País de Galas, un dragon roge sus un fons blanc e verd, es del sègle XV.
Dins lo libre blanc sus l’Escòcia independenta, lo govèrn escocés anonciava que la bandièra del nòu estat seriá la bandièra de Sant Andrieu. Aquel simbòl a coma origina legendària lo martiri de l’apòstol crestian Sant Andrieu, e apareguèt per lo primièr còp al Reialme d’Escòcia en 1180 jos lo règne de Guilhèm Ir. Aquel imatge tornèt aparéisser suls sagèls que s’emplegavan a la fin del sègle XIII. En 1286 èra un simbòl utilizat pels Gardians d’Escòcia (caps d’estat de facto).
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
HAHAHAHA ! Avètz vist la quatrena prepausicion de bandièra ! Creada per Kevin, un francés... La bandièra simbòl de coma se vei Anglatèrra dempuèi França... Soi totjorn espantat per l'etno-centrisme assumit a la francesa... Es pas de creire ! Son l'incarnacion de l'universalitat de l'embonil cultural ! Tè, vos prepausi la novèla bandièra francesa representant coma vesèm França dempuèi Occitània...
__________________________________________________________________________________________________________________
"Galas i es pas representada perque, quand apareguèt la primièra version oficiala de la siá bandièra, s’èra ja joncha amb Anglatèrra."
Galas s'es jamais "joncha" amb Anglaterra... Fuguèt annexada au sègle 13en militarament, e politicament au sègle 16en.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari