Tèxte legit
Quand d’unes acaban la sason tretzista, en Austràlia e Anglatèrra, d’autres en Occitània la començan. La pauma ovala arrèsta jamai de virar!
Austràlia
Los uèit son enfins coneguts. En Austràlia, a calgut esperar la resulta de la darrièra partida per saupre los uèit qualificats e las oposicions del primièr torn. Mercé a una victòria 22-18 suls Lapinons-Rabbitohs, los Pols-Roosters, ont jòga lo Remy Casty, acaban a la primièra plaça. Benefícian pr’aquò de la desfaita de Manly 30-16 al North Queensland.
En perdent a Penrith 22-6, los NZ Warriors daissan la qualificacion als Broncos de Brisbane: egalitat de punts, mas +93 pels Cavals fòls e solament +80 pels Combatents. Dins lo naut del tablèu, los Roosters reçaupràn las Pantèras de Penrith e Manly reçauprà los Lapinons. Los venceires seràn dirèctament en mièja finala e los perdents se poiràn ratrapar fàcia als ganhants de las confrontacions Cowboys-Broncos e Storm Melbourne-Bulldogs de Canterbury (partidas de seguir sus BeIn Sport)
Los Dracs en pelhòfas
En Superliga, se coneisson los uèit qualificats abans la darrièra jornada de la fasa de classament. E bona novèla: los Dracs catalans ne fan part aprèp la victòria registrada del costat d’Hull KR: 32-14. Los Barbarosses s’èran pas remeses de la desfaita dins lo dèrbi de la setmana precedenta 28-0 e trapèron pas las motivacions e lo nhac per contrar l’enveja bèla dels Sang e Aur. A la pausa, los catalans menavan 12-10 aprèp dos ensages longa distància de l’alièr Oldfield mes sus orbita per son centre Pomeroy. A la represa, los Dracs passavan dètz primièras minutas malaisidas e Hull KR preniá l’avantatge 14-12. Mas Sam Williams jogava una penalitat a la man per el meteis e partissiá jol nas dels angleses espantats e estabosits per puntar l’ensag entre los pals 60 mètres mai luènh. Oldfield i anava del còp del capèl sus un novèl servici del Pomeroy. Williams tustava per dessús la defensa per el e marcava. Morgan Escarré acabava l’obratge en signant son 25n ensag de la sason. Rejonh atal Justin Morgan al mai grand nombre d’ensages marcats dins una sason pels Dracs: e es pas acabat.
Dins las partidas entre caps de fila, Wigan a batut Leeds 21-6 e Warrington ganha a Saint Helens 39-12. Widnes demòra a egalitat de punts amb los Dracs aprèp sa victòria 38-12 a Bradford. Demòra als Dracs d’assegurar la setena plaça dissabte a Brutus (18h) amb la recepcion dels Tigres de Castleford qu’elis jogaràn una possibla primièra plaça. Se Widnes ganha divendres de ser a Salford, la victòria catalana serà imperativa per servar la setena plaça. De tot biais, setens o ueitens, los Dracs aniràn jogar las partidas de pelhòfas a l’exterior. Dijòus, Wigan-Warrington e, divendres, Huddersfield-Saint Helens seràn unas bravas prefiguracions de las fasas finalas.
Tot comença
Tot demòra de faire en Occitània amb la debuta del campionat d’Elèit 1 aquesta dimenjada. Limós dobrirà la tièra en anent desfisar los campions tolzans sus la pelena dels Minims dissabte a 18h30. Avinhon se desplaçarà a Vilanuèva. Dimenge de vèspre, l’FC Lesinhan reçauprà al Molin los Dragonets de Sant Estève-Perpinhan, una esquipa ont l’entraïnaire Steve Deakin ven d’anonciar son retorn en Anglatèrra. Carcassona anirà en tèrra catalana a Palau ont perdèron dissabte la partida amicala entre las doas formacions 28-16, mas dimenge serà un autre afar!
Lo XIII en cançon
Los collegians (Lo Bastion) e liceans (Pau Sabatièr) d’occitan de Carcassona venon d’enregistrar una cançon dedicada a la legenda del XIII: Pipeta.
Austràlia
Los uèit son enfins coneguts. En Austràlia, a calgut esperar la resulta de la darrièra partida per saupre los uèit qualificats e las oposicions del primièr torn. Mercé a una victòria 22-18 suls Lapinons-Rabbitohs, los Pols-Roosters, ont jòga lo Remy Casty, acaban a la primièra plaça. Benefícian pr’aquò de la desfaita de Manly 30-16 al North Queensland.
En perdent a Penrith 22-6, los NZ Warriors daissan la qualificacion als Broncos de Brisbane: egalitat de punts, mas +93 pels Cavals fòls e solament +80 pels Combatents. Dins lo naut del tablèu, los Roosters reçaupràn las Pantèras de Penrith e Manly reçauprà los Lapinons. Los venceires seràn dirèctament en mièja finala e los perdents se poiràn ratrapar fàcia als ganhants de las confrontacions Cowboys-Broncos e Storm Melbourne-Bulldogs de Canterbury (partidas de seguir sus BeIn Sport)
Los Dracs en pelhòfas
En Superliga, se coneisson los uèit qualificats abans la darrièra jornada de la fasa de classament. E bona novèla: los Dracs catalans ne fan part aprèp la victòria registrada del costat d’Hull KR: 32-14. Los Barbarosses s’èran pas remeses de la desfaita dins lo dèrbi de la setmana precedenta 28-0 e trapèron pas las motivacions e lo nhac per contrar l’enveja bèla dels Sang e Aur. A la pausa, los catalans menavan 12-10 aprèp dos ensages longa distància de l’alièr Oldfield mes sus orbita per son centre Pomeroy. A la represa, los Dracs passavan dètz primièras minutas malaisidas e Hull KR preniá l’avantatge 14-12. Mas Sam Williams jogava una penalitat a la man per el meteis e partissiá jol nas dels angleses espantats e estabosits per puntar l’ensag entre los pals 60 mètres mai luènh. Oldfield i anava del còp del capèl sus un novèl servici del Pomeroy. Williams tustava per dessús la defensa per el e marcava. Morgan Escarré acabava l’obratge en signant son 25n ensag de la sason. Rejonh atal Justin Morgan al mai grand nombre d’ensages marcats dins una sason pels Dracs: e es pas acabat.
Dins las partidas entre caps de fila, Wigan a batut Leeds 21-6 e Warrington ganha a Saint Helens 39-12. Widnes demòra a egalitat de punts amb los Dracs aprèp sa victòria 38-12 a Bradford. Demòra als Dracs d’assegurar la setena plaça dissabte a Brutus (18h) amb la recepcion dels Tigres de Castleford qu’elis jogaràn una possibla primièra plaça. Se Widnes ganha divendres de ser a Salford, la victòria catalana serà imperativa per servar la setena plaça. De tot biais, setens o ueitens, los Dracs aniràn jogar las partidas de pelhòfas a l’exterior. Dijòus, Wigan-Warrington e, divendres, Huddersfield-Saint Helens seràn unas bravas prefiguracions de las fasas finalas.
Tot comença
Tot demòra de faire en Occitània amb la debuta del campionat d’Elèit 1 aquesta dimenjada. Limós dobrirà la tièra en anent desfisar los campions tolzans sus la pelena dels Minims dissabte a 18h30. Avinhon se desplaçarà a Vilanuèva. Dimenge de vèspre, l’FC Lesinhan reçauprà al Molin los Dragonets de Sant Estève-Perpinhan, una esquipa ont l’entraïnaire Steve Deakin ven d’anonciar son retorn en Anglatèrra. Carcassona anirà en tèrra catalana a Palau ont perdèron dissabte la partida amicala entre las doas formacions 28-16, mas dimenge serà un autre afar!
Lo XIII en cançon
Los collegians (Lo Bastion) e liceans (Pau Sabatièr) d’occitan de Carcassona venon d’enregistrar una cançon dedicada a la legenda del XIII: Pipeta.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Òsca al Yan Lespoux, lo professor, que menèt a bon tèrme l'operacion « Pipeta » !
Quand mon papeta me parlava de Pipeta
Joiós, estabosit, me n’emplenava la tèsta e disiá
Pipeta sus sa cigareta tirava, desapareissiá,
Onte ?
Dins una nívol de fumada
Èra mai galhard qu’un singlar
Tan valiá s’escartar quand òm lo vesiá arribar
REPIC :
E fuma, que fumaràs,
Lo vent lo portaràs,
De Carcassona a Brisbana
Nos sovenèm de tu,
Pichon, traput, fumaire,
Tant bon butaire
Aquel Puèg-Aubèrt èra un arrièr
Ara a son estatua sul gason de Domec
Quand en França aguèt tot ganhat
En Australia lo vegèron arribar
Lo balon plan calat dins sos braces
Anava plantar los assages
Mas d’un còp manquèt de tabat
Corriguèt per ne crompar
Es aquí que sa còla se prenguèt una farandòla
D’assages et voilà.
Aquel Pipeta tant bon jogaire
Que lo public aimava
Dins las tribunas
Vestidas de jaune e negre
Pipeta fasiá petar lo tron
E plòure de tampons
Entre doas pagetas, la palma passava
Entre dos paissèls, la transformacion s’encapava
En tresena mièg-temps, Pipeta, Pipeta, chucava.
Los articles del jornal parlavan d’el
E dins la memòria del tretze demorèt
Pipeta moriguèt
Entre doas cigaretas passèt
E en estatua, per acabar, tornèt.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari