Bandièra01 1180x150: Comuna de Tolosa

Actualitats

La societat catalana e aranesa reagís a la suspension de lor vòte

Lo Govèrn d’Aran a aprovat una mocion per sosténer lo vòte

Malgrat la fòrta pluèja, d’acamps de protèsta se debanèron davant totas las comunas de Catalonha
Malgrat la fòrta pluèja, d’acamps de protèsta se debanèron davant totas las comunas de Catalonha
La suspension que lo Tribunal Constitucional espanhòl fa del referendum consultatiu d’independéncia de Catalonha a creat un fum de reaccions en Catalonha e Aran. Arser, d’acamps de protèsta se debanèron davant totas las comunas del país, e en Aran sus la Plaça de la Glèisa de Vielha. Los manifestants, convocats per l’Assemblada Nacionala Catalana (ANC) e d’autras associacions de la societat civila, e amb lo sosten dels partits que sostenon lo vòte, decidiguèron de desobesir a la suspension e de començar de lor costat la campanha electorala per promòure lo vòte favorable a l’independéncia. En escasença d’aquela protèsta, l’ANC comencèt una campanha politica considerada la mai granda de l’istòria d’Euròpa, amb cent mila benevòls que vesitaràn totes los ostals de Catalonha en demandar lo vòte per l’independéncia del país, “una campanha festiva, estrambordanta e decidida, qu’engatge totes los ciutadans a bastir país nòu, un nòu estat democratic”.
 
D’un autre costat, los sindicats d’estudiants an convocat una cauma de protèsta los 7 e 8 d’octòbre jos lo lèma “voidem las salas d’estudi, empliscam las urnas”.
 
Tanben s’es debanada una campanha de protèsta artistica qu’a installat per tot lo país d’urnas mesas dins una gàbia.
 
Pereu se son debanadas de manifestacions dins las autras vilas dels Païses Catalans, especialament a Valéncia, Palma de Malhòrca e Perpinhan.
 
 
Lo Govèrn d’Aran a aprovat una mocion per sosténer lo vòte
 
Lo Conselh General d’Aran aprovèt ièr, a l’unanimitat, una mocion de sosten a la celebracion del referendum consultatiu d’independéncia de Catalonha. “Damb aguesta mocion, volem ratificar çò que ja s’aprovèc unanimament per CDA-PNA, UA-PM-PSC e PRAG, en Plen deth Conselh Generau d’Aran deth 29 d’octobre deth 2012, en tot arreconéisher tanben eth dret a decidir deth pòble aranés”, çò declarèt lo Sindic d’Aran, Carlos Barrera. 

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Jaume II Mallorca
2.

En Ramon Llull escribí; 'Senyer diz lo Ranart ¿menjarts vós lo Bou si jo.us fas dir a ell que.l menjets, e si ell vos appella quiti de la fe que li havets promesa? E lo Leho li promès que oc.' No se perque tancau ets uys a sa realidad censurant comentaris. A Mallorca no tenim cap problenma amb aceptá que sa llengo balear es una mės de ses llengos d'oc. Lo que no consintirem may es s'imperialisme catalanista.

  • 0
  • 3

Escriu un comentari sus aqueste article