Bandièra01 1180x150: Comuna de Tolosa

Actualitats

crotz-tolosaCreated with Sketch.GasconhaVal d'Aran

Se presenten dues naues composicions musicaus araneses

Es Paums que presentaràn es dues prumères composicions deth nau projècte de Castèth que met musica as poèmes de Jèp de Montoya

Era formacion aranesa Es Paums que presentarà en concèrt, dissabte 18 d’octobre entàs 19h30 ena Audiovisuau de Vielha (Val d’Aran), dues naues composicions deth compositor Castèth (Jaime M. Castet), sus dus poèmes de Jèp de Montoya: Net de huec e Hilh.
 
Damb aguestes dues prumères composicions Castèth que comence eth projècte de musicar as poètes aranesi, damb era participacion des Paums.
 
En concèrt que compdarà damb era preséncia deth compositor e deth poèta, era banda aranesa qu’aufrirà tanben eth sòn arrepertòri de musica tradicionau e populara aranesa, de produccion pròpria e de versions d’auti grops aranesi coma Bramatopin o Sarabat. Eth concèrt qu’ei patrocinat peth Conselh Generau d’Aran, era Deputacion de Lhèida, er Institut d’Estudis Ilerdencs e er Ajuntament de Vielha-Mijaran, e era entrada que serà gratuita.



fffff  fffff
 Jaime M. Castet (Castèth) (Lhèida 1984) ei un compositor e musician d’ascendéncia aranesa, hilh e nebot de musicians. A participat en diuèrsi projèctes musicaus coma clavèr en diuèrsi grops coma Disaster, Tèxas o quitament Es Paums.
 
Jèp de Montoya Parra (Les 1959) ei un escrivan, un poèta e un erudit aranés. Ei un autor en occitan fòrça prolific qu’ath delà d’òbres poetiques coma Ara Val d’Aran, tèxte en qué se basen en es dues composicions mencionades, a publicat òbres màgers coma Vademecum Aranense. Actuauments ei cap dera cultura e deth patrimòni deth Conselh Generau d’Aran.
 
Es Paums que son ua banda musicau fondada en Vilamòs (Val d’Aran) en 1971, que pendent eth decenni des 1980 e es 1990 actuèren coma orquèstra de bal en tot er estat espanhòu. Actuauments se son amassats entà participar en projècte de Castèth e aufrissen concèrts en occitan.
 
     




JMC/FM

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Cristian FORMENT AGEN
3.

En davant Nosauts de Bigòrra e l'Ostau Comengés ! en davant per la solidaritat !
Sòrta !

  • 4
  • 0
Tonho Vilamos
2.

Er orari correcte ei entas 19:30 Ores

  • 3
  • 0
Tonho Vilamos
1.

Eth masdeish dia 18 en Vielha auferiram ua previa deth noste Concert en era Residencia Sant Antoni erntara nosta gent grana.
Ath madeish temps era istoriana e escrivana Griselda Lozano liegera passatges dera sua obra "OC"

  • 4
  • 0

Escriu un comentari sus aqueste article