Actualitats
Fotbòl: la partida Serbia-Albania suspenduda per una bagarra entre los jogaires
L’aparicion d’una bandièra de la Grand Albania, a la mitat de la partida de classificacion de la Copa d’Euròpa 2016, generèt la bagarra
Las seleccions de fotbòl d’Albania e de Serbia avián pas jamai jogat encara cap de partida dempuèi la Guèrra de Iogoslavia. E malgrat que l’Union Europèa de Fotbòl Associacion (UÈFA) aguèsse l’espèr que i auriá pas de problèmas amb aqueles dos païses, apareguèt la question de Kosova de manièra subta dins la partida de classificacion de ièr per la Copa d’Euròpa 2016. Dins la minuta 41a, l’arbitre decidiguèt d’interrompre la partida quand un dròne subrevolèt l’estadi del Partizan de Belgrad amb una bandièra de la Grand Albania.
Quand lo jogaire sèrbe Stefan Mitrović arribèt d’estirar la bandièra e de far davalar l’aparelh al sòl, una bagarra comencèt amb qualques jogaires albaneses. L’arbitre mandèt las doas esquipas el vestiari e, en seguida, suspendèt la partida.
La decision de l’arbitre foguèt senada, en veire que i aviá lo perilh que los suportaires sèrbes envasiguèsson lo terren, tant qu’èran ja a lançar de petards, de fuòcs de Bengala e d’objèctes de tota sòrta. De fach, sus las grasas i aviá pas cap de suportaire albanés, en acòrdi amb la recomandacion exprèssa de l’UÈFA
Segon de mèdias sèrbes, un fraire del primièr ministre albanés foguèt detengut dins la sala VIP de l’estadi coma possible estigador de l’enaurament del dròne.
Quand lo jogaire sèrbe Stefan Mitrović arribèt d’estirar la bandièra e de far davalar l’aparelh al sòl, una bagarra comencèt amb qualques jogaires albaneses. L’arbitre mandèt las doas esquipas el vestiari e, en seguida, suspendèt la partida.
La decision de l’arbitre foguèt senada, en veire que i aviá lo perilh que los suportaires sèrbes envasiguèsson lo terren, tant qu’èran ja a lançar de petards, de fuòcs de Bengala e d’objèctes de tota sòrta. De fach, sus las grasas i aviá pas cap de suportaire albanés, en acòrdi amb la recomandacion exprèssa de l’UÈFA
Segon de mèdias sèrbes, un fraire del primièr ministre albanés foguèt detengut dins la sala VIP de l’estadi coma possible estigador de l’enaurament del dròne.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Regretable eveniment consequéncia de nacionalismes sups. Per contra, me sembla important de far remarcar que totes los jogaires se castanhèron pas coma de salvatges. Una bona part ensagèron de far baissar la colèra ; los suportaires qu'apareisson sus la video èran pas dins las meteissas intencions. Enfin, vòli senhalar qu'al moment ont los albaneses tornan al vestiari, son amalugats de projectils diverses e que de jogaires serbes protegisson los albaneses isolats. Al mai sorne de la bestièsa, i a totjorn de bon sens umanista!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari