Bandièra01 1180x150: Comuna de Tolosa

Actualitats

L’armada espanhòla ataca de canòts de Greenpeace a las Canàrias

Los activistas protestavan contra las prospeccions petrolièras

Dos canòts pneumatics de l’armada espanhòla ataquèron dissabte passat los canòts de Greenpeace que se sarravan del vaissèl Rowan Renaissance davant las Illas Canàrias per protestar contra las prospeccions petrolièras dins aquela zòna. Lo vaissèl arribèt divendres al luòc que li aviá indicat lo Ministèri del Foment per i far las polemicas prospeccions, que la majoritat del partits canaris son contra. En seguida de l’intervencion de l’armada espanhòla, una activista de l’ONG, una jove italiana, foguèt ferida: li trenquèron una camba e la deguèron menar a l’espital de la Grand Canària. Ara ja se pòrta plan.
 
Segon la version del Ministèri espanhòl de la Defensa, la jove tombèt tota sola dins l’aiga quand los ecologistas ensajavan d’abordar lo vaissèl e l’armada o impediguèt, e foguèt ferida amb l’eliç de son canòt. L’armada se seriá sarrada solament per la salvar.
 
Per contra, la version de Greenpeace explica que sos canòts an pas d’elices, e que los canòts de l’armada se lancèron violentament sus eles quand protestavan pacificament.
 
Dins aqueste vidèo, enregistrat e editat per Greenpeace, se pòt veire los atacs dels canòts de l’armada espanhòla e la casuda de l’activista dins la mar:




Greenpeace a dich tanben que contunhan l’accion de protèsta davant lo vaissèl de Repsol que trabalha en las prospeccions, fòra la zòna d’exclusion qu’an decretat las autoritats.

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Ernest Guevara Jr. L'Avana
1.

Los defensors de l'environament coneisson plan la libertat d'expression que s'ameritan, estant que defendon l'interès de totes contra l'interès d'un ponherat. Alavètz, pòdon classificar los estats del mond en dos categorias : los regims autoritaris, coma lo de Russia, que los del G20 recent en Austràlia an qualificat de "non democratic", e los d'Euròpa occidentala, plan segur "democratics", o los meteisses defensors se retròban amenaçats a l'arma de guèrra… amenaçats, amb lo reialme de Castilha, o tuats, amb la republica a pro pena non-monarquica de França. Segur que França e Espanha son de democracia : quora s'i elegisson gobernaments d'esquèrra, los electors s'i manjan infalhiblament una politica liberala. Après aquò, los de l'OTAN pòdon anar far la leiçon de democracia als Russes, Chineses e autres Iranians !!!

  • 1
  • 1

Escriu un comentari sus aqueste article