Bandièra01 1180x150: Comuna de Tolosa

Actualitats

Mòrt de Remi Fraisse: lo rapòrt de la gendarmariá se justifica en mençonant una cadena de television ultradrechista

| Marion Quenut

Luènh de cercar de responsabilitats e de demandar perdon per la mòrt de Rémi Fraisse, abatut a Sivens lo 25 d’octòbre passat a causa d’una granada lançada per la polícia, las autoritats de l’estat francés ensajan tornarmai de criminalizar lo movement que sosteniá la victima. Lo rapòrt de l’IGGN cèrca de demostrar la violéncia dels zadistas en citant una television d’ultradrecha.


L’enquèsta administrativa publicada dimars passat, en mai de conclure que las fòrças de l’òrdre cometèron pas nada “fauta professionala”, ensaja d’illustrar la violéncia dels zadistas en citant una entrevista acordada a una cadena de television d’ultradrecha.
 
A lançat l’alarma una fiulada sus Tweeter de Pierre Januel, un collaborador d’Euròpa Ecologia-Los Verds (EELV), qu’a remarcat aquela mençon sus la pagina 6 del rapòrt de l’Inspeccion Generala de la Gendarmariá Estatala (IGGN segon sa sigla en francés).
 
Amb l’objectiu de l’administracion d’illustrar las dificultats qu’avián los jornalistas a trabalhar serenament sus la ZAD (zòna a defendre) del Testet, a Sivens, lo rapòrt mençona lo jornalista ultranacionalista francés Pierre-Alexandre Bouclay qu’ensaja sus la cadena de television TV Libertés de deslegitimar e criminalizar lo movement dels opausants a la restanca de Sivens.
 
De fach, aquel reportatge mençonat coma seriós pel rapòrt de l’IGGN foguèt ja denonciat pel sit antifaissista d’actualitats La Horde lo 17 de novembre passat.
 
 

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Emmanuèl Isopet
2.

#1 L'as legit lo raport complet?

  • 0
  • 1
Terric Lausa Quilhan
1.

L'IGGN apuèja sa sembla-demostracion sus un argumentari faissista? Quina surpresa!

Cal tanben reténer aquò :

"Cette nuit là, l'EGM 28/2 tire 237 grenades lacrymogènes, 41 balles de défense, 38 grenades F4 et lance 23 grenades offensives"

Quand legiguèri aquesta frasa, me pensèri que parlavan del sètge de Kobane.

  • 4
  • 2

Escriu un comentari sus aqueste article