CAPÇALERA2: FAI-TE SOCI

Jornalet, gaseta occitana d'informacions

Dissabte, 23 de març

Actualitats

Dimars, 30 de decembre de 2014, 03h00 Libres,Cultura

Lo roman Òc... en occitan!

Ven de se publicar la version aranesa del roman istoric de l’escrivana Griselda Lozano


Comentaris 7 comentaris    
Marrit Flac Bon Plan bon Fabulós (12 vòtes)
carregant En cargar


Eissit en 2013 en espanhòl, lo roman Òc de l’autora catalana Griselda Lozano es ara disponible en occitan (aranés), gràcias a la collaboracion d’Antòni Nogués Biau amb l'ajuda de Ferriòl Macip Bonet (revision generala del tèxt aranés) e de Gerard Joan Barceló (revision dels fragments en occitans ancian e general) amb lo sosten institucional del Conselh General d’Aran. Despuèi lo diluns 29 de decembre, es accessible en dos formats: estampat classic, a 26,28 èuros, e, mai economic (4,95 èuros), en Kindle d’Amazon. Cal remarcar que la version Kindle definís la lenga del libre coma de “provençal”: aquò s’explica per l’abséncia de categoria “occitan”, qu’a obligat Griselda Lozano de botar son obratge dins la categoria ja existenta, de luènh preferibla a “catalan”, e que se justifica per la longa tradicion filologica que designava ansin tota la lenga occitana. Se d’autres autors en lenga nòstra publiquèsson puèi un jorn en format Kindle, benlèu Amazon acceptariá de crear una categoria “occitan”.
 
Gràcias a una engenhosa dobla narraccion que fa viatjar lo lector entre un relat a nòstra epòca e un manuscrit autobiografic d’un prèire del sègle XII, lo roman articula estrechament l’Aran actual amb tota Occitània, nòstre present occitan amb l’edat d’aur de nòstra civilizacion, sovent illustrada per de citacions poeticas medievalas. Al primièr nivèl narratiu, lo relat nos es contat per una jove cercaira catalana, Bernadeth Centelles, que, venguda en Aran per escriure un roman istoric a l’entorn dels jorns que precediguèron la mòrt de Pèire II d’Aragon a Murèth, s’enamora d’Occitània, de sa cultura e de son istòria. Se pòt observar la fòrta preséncia dels dialògs, que bailan a l’òbra a l’encòp de qualitats pedagogicas e una expressivitat teatrala tanben entretenguda per de personatges estacants, en particular un religiós erudit aranés inspirat d’una persona reala, lo paire Jusèp Amiell. L’autora sap susprene lo lector en far variar la psicologia, las emocions, los tons e lo ritme, e accelèra l’intensitat dramatica a la fin, d’a fons inesperada, del roman, que supausa una seguida.
 
Es una lectura d’aitan mai recomandabla que l’occitan aranés se mòstra, un còp de mai, una lenga de traduccion literària.
 
Una traduccion francesa es en cors.
 
 
 
 
Gerard Joan Barceló
 
 
 
_____
LOZANO, Griselda. Òc. Edicions Larkos (Barcelona), 2014. 632 paginas. 26,28 èuros.



publicitat



Comentaris

31 de genièr 23.01h

So en tren de lieger Oc, en aranes e me cau dider, que i han uns quanti passatges que ena nosta lengua son mes reussidi. I han planes que son pura poesia.


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

31 de decembre 22.38h

Vo la recomani.
Ite missa est


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

31 de decembre 17.21h

O tempora, o mores ! v'là qu'on s'remet à parler nos vieux patois !


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

31 de decembre 15.39h

#3 E benlèu "hic et nunc"! L'avenir nos pertanh tre ara, eminent camarada! ;-)


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

30 de decembre 21.55h

#2 E òc, pet un bon militant occitanista, l'edat d'aur es per deman, e non pas in illo tempore !


Valoriza aqueste comentari:   votar positiu 4   votar negatiu 1
Respondre comentari replica Comentari inadeqüat   Formulari d'abús de comentari

30 de decembre 11.04h

#1 Fin finala, cresi que n'es un, eminent futurològ, perque duèrb de perspectivas nòvas. Una rason de mai per lo legir!


Valoriza aqueste comentari:   votar positiu 7   votar negatiu 2
Respondre comentari replica Comentari inadeqüat   Formulari d'abús de comentari

30 de decembre 09.40h

« Lo roman articula estrechament l’Aran actual amb tota Occitània, nòstre present occitan amb l’edat d’aur de nòstra civilizacion… » Perqué ? Es un roman d'anticipacion ?


Valoriza aqueste comentari:   votar positiu 8   votar negatiu 1
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat

Editorial

Restituir la dignitat

Dissabte passat, fasiá 775 ans qu’aviá agut luòc la tragèdia de Montsegur. Amb l’extermini del darrièr nuclèu de resisténcia catara e lo cremament ...
giny

Lo temps

Mapa
  • sol Agen 13 6
  • sol Aush 15 4
  • nuvols Bordèu 10 -1
  • sol Briançon 6 -6
  • sol Caors 14 0
  • sol Carcassona 14 2
  • pluja Clarmont-Ferrand 11 5
  • pluja Confolent 9 5
  • sol Gap 14 0
  • nuvols La Canau 13 6
  • sol La Gàrdia 22 9
  • nuvols La Torre de Pèlitz 16 4
  • pluja Limòtges 9 5
  • sol Lo Borg Sant Dalmatz 18 6
  • sol Lo Puèi de Velai 16 4
  • nuvols Marselha 18 6
  • nuvols Montpelhièr 17 8
  • nuvols Naut Aran 12 2
  • sol Niça 14 0
  • nuvols Nimes 19 5
  • nuvols Pau 15 5
  • pluja Peireguers 19 5
  • pluja Rodés 17 3
  • nuvols Tolon 17 3
  • sol Tolosa 19 5
  • pluja Valença 10 -1

giny

giny

giny

Vidèos

giny

giny

publicitat

lateral 2 teveoc

Entrevista

"A l'ora d'ara es impossible de prene lo fusilh"

Jann-Marc Rouillan fondador d'Action Dirècta, collaborador del MIL e ara escrivan

publicitat

LATERAL1 300X250: sapiéncia



publicitat

lateral 2 teveoc

Fotografias

  • Exposicion temporària sus Robèrt Lafont al CIRDOC (D.R.)

  • País de Rasés. © Franc Bardòu

    País de Rasés

  • Petugon de La Boal

    Conferéncia e dedicaça de l'artista Richard Cairaschi au Musèu municipau deis Arts e Tradicions populàrias de Grimaud (Mauras)

  • La Korrika, la corsa per la lenga basca es arribada a Tolosa

  • Chapela de Sant Bernat. © Andrea Celauro

    País d'Aison (Val d'Estura)

  • © Franc Bardòu

    Tresaurs andorrans

  • Petugon de La Boal

    Conferéncia e dedicaça de l'artista Richard Cairaschi au Musèu municipau deis Arts e Tradicions populàrias de Grimaud (Mauras)

  • © Laurenç Revèst

    Menton, 'a vivaroalpenca maritima

  • Uvernada Lou Dalfin 2012. ©  Cristòl Daurore

    Uvernada Lou Dalfin 2012

  • Niça vièlha en occitan niçard. © LR

    Niça vièlha en occitan niçard

  • © Aure Séguier

    Carnaval Biarnés 2017

  • © Franc Bardòu

    Darrièr refugi abans l’envòl (1206-2016)

  • Zep Armentano

    25au Corsa Aran per sa Lengua

  • © Laurenç Revèst

    Via de Buelh a Pèunas a Valberg fins a Sant Laugier

  • © Laurenç Revèst

    Galaria fòto: La Gavotina marítima: Esa vielha, totplen de botigas e de toristas, 16 estatjants, 2 vielhs esascs, una gleia e un castèl arroïnat

  • © Aure Séguier

    Carnaval Biarnés 2017

  • © Franc Bardòu

    Darrièr refugi abans l’envòl (1206-2016)

  • © Laurenç Revèst

    Castelar

  • Bordèu, bèla occitana de Gasconha. © Franc Bardòu

    Bordèu, bèla occitana de Gasconha

  • Minecraft en version occitana

giny

Las mai...

publicitat

LATERAL2 300x250: Cultura Conselh Aran

giny

Sondatge

Creses que la memòria istorica es importanta?


93%



5%



2%




Vots 126 vòtes

comentaris 2

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)