CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dimenge, 18 d'agost

Actualitats

Dimenge, 1 de febrièr de 2015, 03h00 Television,Societat,Escòla

Gasconha > Lanas e Labrit > Shalòssa

E donc, qu’agom lo plaser d’arcuélher ua emission d’Òc-Tèle en las Lanas

Aquò que’s passè la setmana passada a Dacs, au San Pietro, lòc abituau de las sesilhas deu Cafè Gascon


Comentaris Un comentari    
Marrit Flac Bon Plan bon Fabulós (6 vòtes)
carregant En cargar


La television web Òc-Tele que hasó son D’Òc Show a Dacs (Shalòssa), dens lo restaurant Sant Pietro. La participacion deu mond deu parçan, e mei que mei deus escolans d’occitan estó nombrosa. Miquèu Baris que’n hè un bèth rapòrt.


A l’invitacion de Maria-Jo Lescourret, la navèra web-tèle en Òc que vengó au davant deus landés qui volón ben participar. E qu’estón nombrós…
 
A començar preus aprenents de las escòlas publicas bilingüas e d’Òc Bi Aquitània, de Monthòrt de Shalòssa e de Dacs, un trentenat d’escolans qui cantèn per començar: “Sus la lana de Bordèu que i a nau pins”.
 
Puish qu’estó lo parat de tornar parlar de la tempèsta Claus dab Felip Deubedoth, de Lincse, e Felip Duborg, lo maire de Carcarès Senta Crotz, près de Tartàs. Qu’evoquèn los sons soviers, en plenha nueit per un, au matin per l’aut, e deu tristèr qui gahè lo monde davant l’espectacle de desolacion.
 
Après, que vengó a Marcèu Sombrun e a Danièl Lagüèita, de Laurèda, de’ns parlar de la desolacion deu païsatge de long d’Ador, hens un petit reportatge d’Estefan Valentin. E Pèir Bedat, de Soston, que’ns parlè de la “calma abans la tempèsta”, deu silenci e de la solidaritat deu monde. Que’ns legí quitament lo poemòt qui disó au Cafè Gascon de Dacs quauques jorns après l’eveniment.
 
Joan Cozian que vienó un moment après tà’ns jogar un tròç de musica a la boha, plan trist com e’s devè. Que son aquò las Lanas tanben… Joan-Luc Lagrava, un deus fondadors de la mèrca de vestits Adishatz, que’ns parlè de las navèras economias, a l’imatge de la Vath d’Aran, on viscó las duas darrèras annadas.
 
Isabèla Lobèra, contaira e animatritz de l’emission en gascon sus France Bleu Gasconha, que’ns cantè la canta N’am traversat nau lanas e evoquè la “lana de Cornalís”, cara a Fèlix Arnaudin.
 
Puish que ns’interessèm a l’aviéner. Daubuns que s’imaginan que lo torisme e serà lo navèth “eldorado” de las lanas… Benlèu sus la còsta, e enqüèra… Que’s parla hèra au jorn de uei de la creacion “d’andadas artificiaus” deu costat de Sent Jors de Maremna, e d’un gòlf a Tòssa. Mes lo Deidièr Tousis que’n dobta, tant que los landés n’auràn pas pres lo lor destin en mans —que deurem meilèu díser lo lor hat— e la soa cançon L’andada deus coions que n’es la pròva. Tederic Cahuzac qu’assagè de citar l’exemple de Claudi Coureau, hens la lana girondina, qui ensaja de tornar lançar lo gematge, non pas a la mòda vielha, mes dab metòdes modèrnes, mes qui ne sembla pas hòrt encoratjat preus poders publics. Que cau citar l’escaduda de duas enterpresas landesas, DRT a Sent Gironç, e Biolanas au Sen, mes qu’es pro chic tà balhar un chic d’espèr aus joens landés.
 
Enfin Maria Jo Lescourret que hiquè enabans los esfòrç deu Cafè Gascon e lo còp de man qui balha a la lenga occitana cada mes. E Fanny Lartigòt, ua jornalista landesa de La Setmana, de Tarnòs, que presentè la navèra formula deu setmanèr occitan, qui, qu’ac cau esperar, e’u va balhar ua navèra joenesa.
 
Aura Seguier que presentè la soa cronica desfasada e faceciosa sus las catastròfas naturaus, abans que lo Miquèu Baris, dab la soa vèrbia arretrobada, après lo son accident vascular cerebrau, ne’ns menhèssi, pr’un camin desvirat suu camin de la montanha dab un conde shens fin: l’arrat qui devienó gat, qui devienó can, qui devienó calhau, puish cantonièr, puish lo só, puish crum, puish montanha… abans de’s tornar arretrobar arrat…
 
Enfin, l’emission que s’acabè, au cap d’ua òra 45 de plaser, dab la boha de Joan Cozian, e la canta, uei coneishuda de tots, L’Estaca.
 
 
 
 
Miquèu Baris



publicitat
BANER1-2-3: DGPL AN LAFONT



Comentaris

2 de febrièr 21.36h

Una bona manera de promocionar l'Oc-Tele. A manca d'una tele numerica terrestra, bona es aquesta e ajuda a formar professionals, locutors, tècnics, del plus important media com és la tv, e esperar lo dia que la paureta libertat francesa, permeta la possibilitat de que hi hagi canals regionals o milhor dit nacionals occitans ,com i a a tots los païses europeus que an varies lengas. Mais França és la pura soberbia e aplica encara la guilhotin a tot lo que li molesta. Au adoncs ! Jo menfoti d... Legir mai


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Editorial

Lo drech de viure es pus important que totas las frontièras

Uèi, dimenge 18 d’agost, fa 18 jorns que l’Open Arms reten malgrat el mai d’un centenat de migrants socorreguts en marrit estat de santat. Enfin, lo naviri es arribat davant ...
giny

Lo temps

Mapa
  • sol Agen 13 6
  • sol Aush 15 4
  • nuvols Bordèu 10 -1
  • sol Briançon 6 -6
  • sol Caors 14 0
  • sol Carcassona 14 2
  • pluja Clarmont-Ferrand 11 5
  • pluja Confolent 9 5
  • sol Gap 14 0
  • nuvols La Canau 13 6
  • sol La Gàrdia 22 9
  • nuvols La Torre de Pèlitz 16 4
  • pluja Limòtges 9 5
  • sol Lo Borg Sant Dalmatz 18 6
  • sol Lo Puèi de Velai 16 4
  • nuvols Marselha 18 6
  • nuvols Montpelhièr 17 8
  • nuvols Naut Aran 12 2
  • sol Niça 14 0
  • nuvols Nimes 19 5
  • nuvols Pau 15 5
  • pluja Peireguers 19 5
  • pluja Rodés 17 3
  • nuvols Tolon 17 3
  • sol Tolosa 19 5
  • pluja Valença 10 -1

giny

giny

giny

Vidèos

Entrevista

Mn. Condò siguec hilh dera Renaishença Catalana

Jusèp Amiell prèire e escrivan aranés

Mn. Condò siguec hilh dera Renaishença Catalana
giny

giny

publicitat

lateral 2 teveoc

Fotografias

  • © Franc Bardòu

    Tèrra albigesa

  • © Franc Bardòu

    País Bordalés

  • Minecraft en version occitana

  • Occitan e economia: "occitanitat mai o mens visibla"

  • © Laurenç Revèst

    Sauve (Cevènas), ciutat màger vidorlenca a las carrièiras bèlas e en mudason

  • © Franc Bardòu

    Coserans al còr

  • Valadas. © Xavi Gutiérrez Riu

    Valadas

  • Era còlha dera ADÒC ath trabalh

  • Beneset Thauvin

    Concors de preseps, betlèms o grépias

  • Jornada de protèsta contra lo barratge del Testet, a Sivens

  • Los Arcs (Draguinhanenc): lei carrièras e la torre dau quartier dau Paratge d'ivèrn. © Catarin Seguran

    Los Arcs (Draguinhanenc)

  • Manifestacion Anem Òc, Tolosa 31 de març 2012. © Cecília Hautefeuille

    Manifestacion Anem Òc, Tolosa 31 de març 2012

  • Asuèlhs comengeses. © Franc Bardòu

    Asuèlhs Comengeses

  • © Salça Morena

    Passeaia nucleària dal Prat (vilar de Sant Dalmaç lo selvatge) a Sant Dalmaç en passar per las baissas de Boneta e de Motiera (auta valaa de Tiniá)

  • Montpelhièr la lengadociana

  • Castelar

  • Era còlha dera ADÒC ath trabalh

  • © Xavi Gutiérrez Riu

    Coserans: Sent Líser, Casavèth, Sent Guironç, Saurat...

  • © Franc Bardòu

    País Bordalés

  • Terric Lausa

    Concors de preseps, betlèms o grépias

publicitat

lateral 2 teveoc



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

Creses que refusar de socórrer los migrants es racista?


37%



51%



12%



0%




Vots 41 vòtes

comentaris 1

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)