Bandièra01 1180x150: Comuna de Tolosa

Actualitats

Grècia pagarà pas lo deute dins las condicions actualas e reconeis pas la tròica

O diguèt ièr lo ministre grèc de las finanças, segut al costat del president de l’Eurogrop, Jeroen Dijsselbloem. Alemanha ditz que tolèra pas de “cantatges”

Una setmana après la victòria de Syriza a l’eleccion legislastiva de Grècia, lo nòu ministre de las finanças, Gianis Varoufakis, a parlat sens sal ni òli. Segut al costat del president de l’Eurogrop, Jeroen Dijsselbloem, que vesitava Grècia, diguèt ièr que son govèrn reconeis pas la tròica formada per l’Union Europèa (UE), la Banca Centrala Europèa (BCE) e lo Fons Monetari Internacional (FMI). “Lo nòstre govèrn farà çò possible per cooperar amb las institucions legalas de l’Eurozòna e lo Fons Monetari Internacional; mas amb lo comitat tripartit, que cèrca d’implantar un programa d’una logica antieuropèa, amb aquel comitat que lo Parlament Europèu tròba mal estructurat, avèm pas l’intencion de trabalhar”.
 
“Es pas un bon començament”, çò avertiguèt Dijsselbloem. Lo cap de l’Eurogrop diguèt sul pic: “lo nòu govèrn grèc pòt pas ignorar los acòrdis pachats per Grècia amb l’UE”.
 
Varoufakis prepausèt una moratòria del pagament del deute grèc de cinc ans, e d’autras mesuras coma la convocacion d’una conferéncia internacionala sul deute. Çò clar es que Grècia pagarà pas lo deute dins las condicions actualas.
 
 
Alemanha avertís que tolèra pas de “cantatges”
 
Lo ministre alemand de las finanças, Wolfgang Schäuble, a reagit sul pic. A avertit lo nòu govèrn de Grècia que cal manténer los engatjaments e qu’es “malaisit de far de cantatge” vèrs Berlin. Schäuble a afirmat que lo govèrn alemand vòl ben ajudar Grècia, mas per que se produga aquela “solidaritat” d’Alemanha, Grècia deu complir sos engatjaments. “Avèm besonh de solidaritat en Euròpa e, en mai d’aquò, podèm pas recebre de cantatge”, çò diguèt.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

antalya apraquital
10.

#9 Francament me demandi plan de perdequé fariai "d'antiellenisme primari", son de mond qu'aimi plan ça que la...!
Solament dins aquel afar, cal ben debanar tota l'istòria desempuèi la debuta e se passar de las sansonhas remolinadas qu'aportan res de res.
Cal debanar los faches e res que los faches e plan segur rassar las ideologias.
Apèi te faràs ton idèia.

e la debuta de tot aquel afar comença tre la casuda del regim facista dels colonels.
Es lo jornal grèc "Kathimerini" ( enebit jos la dictatura) qu'o diguèc.

E darnièra novèla : Grècia a causit "Lazard" la banca que lor va escafar 100 milhards del dèute grèc. plan bona afar, solament t'an pas dichas las contrapartidas...... e aqui tanben caldrà pagar....


  • 1
  • 0
Pirolet
9.

#5 Antalya, sembla que fagas de turcaradarièrs... es a dire d'antiellenisme primari. Cal pas virar milanta còps l'afar dins l'alhòli, se tracha pas que de l'atac la banca contra la democràsia.

  • 2
  • 0
antalya apraquital
8.

#7 e non ......

  • 0
  • 5
Francesc Ciutat
7.

lo deute que la troica diu que a de pagar lo govern grec, son per pagar los bancs privats grecs, perquè pugan pagar los interesos als bancs privats alemanys e atal poder recuperar aquests los diners que varen invertir a Grècia en negocis que los varen pas anar ben. Es com aquí que los bancs privats deien que tenien crisi e pas diners e lo govern de dretes los donà lo diner public per saneja sas economies. Volen carregar los deutes dels bancs privats a l'estat. La major part de las quantitats son per açò. Es l'economia capitalista quan los polítics de dreta la deixan en mans dels banquers que facin e desfassin a sa volontat, mas los polítics e economistes progressistes estan completament en contra, e se basen en defensar los diners públics dels estats per donar feina e poder tenir una economia sanejada ,e l'estat del benestar.

  • 7
  • 2
grèc Aspropyrgos, Atica
6.

#5 "E òc disi los grècs, an plan aprofeitat del sistem ataben (...) Tot lo mond a aprofeitat del sistèmi sens contraròtle...." Es completament fals de dire que l'ensemble dels grècs an profechat de la marrida gestion del país (abans la crisi de 2008). Repetissètz los clichats. Coneissètz pas l'istòria sociala de la populacion grèga.

  • 8
  • 4

Escriu un comentari sus aqueste article