Actualitats
S’intensifican los combats a l’èst d’Ucraïna
Après los tres recrutaments de tropas de l’armada ucraïnesa, Donetzk a anonciat un “recrutament de volontaris”
Après qu’en 2015 lo Parlament d’Ucraïna aprovèsse fins a tres recrutaments de tropas per anar luchar al front oriental del país, la Republica Populara de Donetzk a anonciat un “recrutament de volontaris” que se completarà dins los sièis meses venents. Los combats son de mai en mai durs e a Debaltzeve l’armada ucraïnesa ensaja d’evitar de demorar encerclada per las milícias de Donetzk, segon çò que rapòrta Nationalia.
Lo primièr ministre de la Republica Populara de Donetzk, Oleksandr Zakharchenko, a anonciat que sos plans comprenon la mobilizacion de 100 000 soldats per la formacion de cinc nòvas brigadas. Pasmens, considèra d’autras vias de recrutament s’aquò èra pas pro. La guèrra d’aquela republica secessionista amb Ucraïna, que ne reconeis pas la secession, s’es enduresida dins las darrièras setmanas e los mèdias locals rapòrtan de combats dins tota la linha de front. Lo 24 de genièr passat, la vila de Mariupol, contrarotlada per Ucraïna, foguèt atacada amb de missils e i moriguèron 30 personas. Mas Zakharchenko nèga que s’agisca d’un atac de sas milícias.
Debaltzeve qu’aviá 25 000 abitants abans de la guèrra. Ailà, l’armada ucraïnesa se tròba practicament assetjada per las fòrças de Donetzk. Lo govèrn ucraïnés rapòrta qu’a evacuat un milièr de personas per una petita lista de tèrra abans que la vila siá completament entornejada.
E dins lo terren diplomatic i pas d’avançadas. De representants d’Ucraïna, de Russia e de las doas republicas secessionistas, Donetzk e Luhansk, se reüniguèron dissabte a Minsk (Bielorussia) amb de representants de l’ÒSCE, mas arribèron pas a cap d’acòrdi. Teoricament i a una alta al fuòc en vigor, mas cap de partida la respècta pas.
Mentre qu’Ucraïna acusa Russia de provesir d’armas las tropas de Donetzk e Luhansk, las milícias de Donetzk afirman qu’an descobèrt de municions provenent dels païses de l’OTAN.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2 N'i a pron de lièger li memi conarias de la propaganda russa.
1 - Li a pas de "nazís" en lo govèrn ucraïnés. Li doi formacions d'extrèma-drecha Sector Drech e Svoboda an pas despassat 2% dei votz ai darrieri votacions.
2 - L'Ucraïna s'es tornada devèrs de l'Occident perqué lo sieu pòble vòu plus faire part dau monde rus e intrar en l'Union Eurasiana de Potin.
3 - Lu ucraïnés an subit mentre de sècolos l'opression, la dominacion, la colonisacion e l'alienacion culturala dai rusos dau meme biais que lu occitans dei francés ò lu catalans dei castelhans.
4 - Lu "independentistas" son per la màger part de sordats russos.
5 - Lo Donbass es una tèrra istoricament e majoritariament ucraïnesa. Lu russos d'aià son de filhs d'ancians colonisators de l'epòca d'Estalin. Exactament coma lu franchimands que s'instàllon en Occitània e que si considèron en terrenh conquist.
6 - Sostenir lu "separatistas" pro-russos seria parier que de sostenir de separatistas pro-espanhòus dins una Catalonha independenta.
Es curiós que lo govern de Convergència tenga una postura contrària a la dels independentistas d'allà, e posi las novas dels ianquis a favor del govern amb nazis de Kief. Per açò e altres causes, cresi pas que Mas vulga realment la independència de Catalunha.
Guerres, soldats, armes perquè no es barallen els caps militars només ? No hem de ser tant rucs i fer el que diguin uns imbècils. Tot plegat fa fàstic.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari