Bandièra01 1180x150: Comuna de Tolosa

Actualitats

crotz-tolosaCreated with Sketch.Comtat de NiçaCostiera Niçarda

Niça: an ferit amb un cotèl tres militars que protegissián un centre josieu

Asseguravan la seguretat d’un immòble ont se tròba lo Consistòri Israelita de Niça, Ràdio Shalon e una associacion josieva. Doas personas son estadas detengudas

An atacat uèi de tantòst al cotèl tres militars franceses que protegissián un centre comunautari josieu al centre vila de Niça, segon çò que rapòrta Nice Matin. Un òme es estat interpelat sul pic e lo parquet antiterrorista de París se carga de l’enquèsta. Los militars ferits asseguravan la seguretat d’un immòble ont se tròba lo Consistòri Israelita de Niça, Ràdio Shalon e una associacion josieva.
 
“Un pauc après 14h00, quand tres militars èran en faccion davant un sit israelita, [...] un individú que passava sul trepador a agressat alavetz violentament un dels soldats amb un grand cotèl, en visant sa cara o son còl”, çò a indicat  a l’AFP una font policièra. Lo soldat ferit a “una plaga aparentament prigonda mas sens gravitat”, e un autre militar es estat tocat al braç. Lo tresen es indemne.
 
Segon las primièras informacions, l’agressor auriá agut un complice (benlèu la segonda persona detenguda), portava dos cotèls e s'apelariá Moussa Coulibaly, totun sens relacions familialas amb lo sequestrator del supermercat josieu de París, Amedy Coulibaly. Lo 28 de genièr passat, la DGSI (Direccion Generala de la Seguretat Interiora) s'estonèt qu'aguèsse pres un anar simple per Turquia e o senhalèt a las autoritats turcas, que lo regetèron devèrs l'estat francés. Moussa Coulibaly parlèt puèi amb la DGSI, que trobèt pas res d'illegal. 
 
Lo cònsol de Niça, Christian Estrosi, a mes a disposicion de la justícia los imatges de las camèras de videoproteccion que, segon el, an enregistrat l’agression. L’elegit a demandat al govèrn francés de “mantenir la preséncia dei fòrças militari en vila, que la sieu mission si devia acabar dimars”.
 
Après l’atemptat contra la redaccion de Charlie Hebdo a París, e la pojada grèva dels atacs antisemitas, antiisraelians e islamofòbs, lo govèrn francés a enregat son plan nomenat Vigipirate, que mobiliza 10 500 militars per protegir los sits de culte josieu e musulman, las escòlas e las entrepresas de premsa.




Trois militaires varois agressés au couteau en...per nice-matin

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Repotegaire Mont-Rauc
3.

e bem, aquelish tempshesh, val mai shortir pash de l'oshtal e demorar dimsh shom shalom…

  • 0
  • 0
Redaccion Jornalet Barcelona
2.

#1 Vos grandmercejam per vòstras observacions. Per aiçò, avèm modificat l'article.

  • 3
  • 0
Shalom Ierushaleim
1.

Aicí, legissèm « Après l’atemptat contra la redaccion de Charlie Hebdo a París, e la pojada grèva dels atacs antisemitas, lo govèrn francés a enregat son plan nomenat Vigipirate… » Me demandi, prudentament e umilament, se los actors d'aquelas agressions civicament intorlerablas se definirián eles meteisses coma "antisemitas" e non pas coma "antisionistas", çò que designa pas brica la meteissa causa. S'agís pas aicí de donar tòrt o rason a qual que siá, mas sonque de rendre compte lo mai fisèlament possible de la vertat… Per exemple, las victimas de l'agression aquí son militaris franceses, e non pas de "semitias", d' "arians" o sabi pas quin autre fotesa mitica d'un autre sègle. Donc lo crimi es pas racista al sens d' "antisemita" mas politic, me sembla… Rapèli que "josieu" es pas una "raça" ni una politica, francesa ni mai israëliana, mas son que una confession monoteïsta que lo crestianisme et l'islam ne derivan dirèctament e indissociablament. Las tres religions pregan lo meteis dieu, mercés als meteisses profètas. Son que la canal de transmission confessionala varia un pauc. Perqué doncas s'entretuar, se que non per de marridas rasons politicas, e doncas de rapòrts de fòrça dins un contèxte inadmissible d'inegalitat sociala, materiala e simbolica, aicí o endacòm mai…? Me sembla qu'aqueles arlèris agressius s'enganan (e nos enganan) de combat.

  • 8
  • 0

Escriu un comentari sus aqueste article