Bandièra01 1180x150: Comuna de Tolosa

Actualitats

Montpelhièr: Carnaval alternatiu

Se prepara un balèti popular alternatiu per carrièras a Montpelhièr per Carnaval. Lo 17 de febrièr que ven, al Peiron, la còla del CRADÒC (Collectiu Revivalista Autoritari D’Oto-gestion de Carnaval) bastiràn una còla carnavalenca mixta de musicaires, cantaires e dançaires.
 
Amb la tòca de “se tornar apropriar la carrièra”, an organizat lo dich Carlèti, que partirà a 19h de l’Arc de Trionf del Peiron per se passejar dins l’Escuçon fins al Pabalhon Popular, ont se debanarà lo balèti. Aqueste dijòus es lo darrièr Carlèti abans lo Carnaval.
 
Prepausan de danças collectivas pendent la deambulacion, al son de la gralha e dels tambors e de danças en parelh sus de placetas amb d’instruments melodics. Mas al delà, vòlon far d’aquel Dimars Gras un eveniment revendicatiu e profechar de la fèsta per empegar d’afichas, distribuir de tractes e far de proselitisme.
 
Mai d’informacions a: medoc_montpelhier@...

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

alèssi Tolosa
4.

N'i a que sap s'i a quicòm de previst pel Carementrant a Tolosa ?

  • 0
  • 0
Liliò Chovèl Clharmont d'Auvernhe / Lo Crest
3.

Totas las annadas aquo'es la mesma chausa! Qu'es la policia que fai la guerra! N'i a pro d'aquel policia que tabasa los anarchistas! Sem en democracia, non pas? E la libertat d'expression?
E ièu, dise tanben "anem òc, per aqueste carnaval!"

  • 2
  • 0
Pascau
2.

CRADÒC : Collectiu Revivalista Autoritari D’Oto-gestion de Carnaval

O quand la realitat occitana despassa Manaset!

  • 2
  • 0
antalya apraquital
1.

Alternatiu ça dises... ai crenta del pièger ! :-)

  • 0
  • 0

Escriu un comentari sus aqueste article