Bandièra01 1180x150: Comuna de Tolosa

Actualitats

Los Amics de Jornalet: bilanç economic e apèl a escotissons

| Rufino Uribe
Dimenge 1r de març, l’editorial de Jornalet nos expausava lo bilanç moral dels tres ans de vòstre jornal en linha. Puèi que nòstra associacion ajuda al finançament d’aqueste mèdia, ven a ieu, coma president dels Amics de Jornalet, de vos presentar un bilanç economic nòu, realizat per nòstre clavaire, Terric Lausa. Lo 28 de febrièr de 2015, nòstra situacion financièra, despuèi lo començament de nòstra activitat a la fin de 2013, èra aquesta:
 

Produches:

Escotissons: 1 400,00 èuros (70 escotissons, 62 sòcis)
Donacions: 856,00 èuros
Produches divèrses: 1,87 èuro
Total produches: 2 257,87 èuros
 

Cargas:

Còstes bancaris: 49,70 èuros
Publicacion Jornal Oficial: 44,00 èuros
Còstes postals: 63,75 èuros
Donacions a JORNALET: 1 400,00 èuros
Total cargas: 1 557,45 èuros
 
Resultat: 700,42 èuros (en banca = 420,42 èuros / en cors d’encaissament = 280,00 èuros)
 
 
Nòstre budget es en equilibri, o donam quasi tot a Jornalet, levat de còstes necessaris coma la banca e lo corrièr, e ja vos pòdi precisar qu’aqueste mes de març, bailarem 500 èuros a vòstre jornal.
 
Doncas, nos restarà sonque 200 èuros, çò es, pas gaire de moneda. I a doncas una necessitat absoluda que se renovèlen las adesions. Ara per ara –e aquò explica la diferéncia qu’auretz vista entre lo nombre d’escotissons e lo nombre de sòcis–, sonque uèch personas, que grandmercejam de còr, an pagat una segonda adesion a nòstra associacion. Ben sabi, evidentament, que de membres aderiguèron devèrs lo mitan o la fin de l’annada 2014, mas es important d’oblidar pas que nòstre budget, estrechament associat al de Jornalet, es fragil, qu’avèm de besonh de vòstra apièja per foncionar.
 
Per aiçò vos convidam a renovelar vòstre escotisson, tre qu’o poscatz. Per o facultar, la bona nòva es qu’en mai dels pagaments per chèc o viraments bancaris, ara tanben podètz mandar vòstre sosten financièr per PayPal, coma o podètz veire sus la pagina de nòstra associacion!
 
Ansin Jornalet contunharà de créisser, nos aprocharem de l’objectiu del desen vòt de Jornalet per 2015: 100 sòcis dels Amics de Jornalet!
 
E tanben nos serà mai simple d’organitzar de rescontres entre Jornalet e sos lectors...
 



Gerard Joan Barceló

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Jornalet
3.

#2 L'associacion Los Amics de Jornalet son totjorn raportats dels comptes de Jornalet. Lo mond que ne serà interessat los pòt demandar. Las intradas son vengudas de dons, de publicitat e dels Amics de Jornalet. Las despensas (promocion, taxas, tecnicians, cotizacions d’organizacions de jornalistas, telefon, pòsta, comissions bancàrias) son estadas superioras, e avèm perdut a l'entorn de 1000 èuros.

  • 4
  • 0
Julien Edinborg
2.

OK per l'associacion de finançament, que son bilanç es forçadament fòrça simple, mai quid dau bilanç dau jornalet eu-meme ? Li a aquesta informacion endacòm ?
Cresi que mai o mens degun aquí es avisat de ço que còsta un jornau coma lo Jornalet.

  • 0
  • 0
Eric Moul 97
1.

70 escotissons... Enfin, aquo's melhor que 60. Tristonet egau coma lo monde non s'engatjan, en tot voler sauvar lo son dret a la paraula. Logicament serem pas que 70 a poder participar ?

  • 8
  • 0

Escriu un comentari sus aqueste article