Bandièra01 1180x150: Comuna de Tolosa

Actualitats

Lo nòu disc de Francis Cabrel defendrà la lenga occitana

Dins la cançon que dona son títol a l’album lo cantaire compara la desaparicion de l’occitan a la dels aucèls

| Sit oficial de Francis Cabrel
Lo cantaire occitan Francis Cabrel presenta son nòu album entitolat In Extremis que pareisserà lo 27 d’abril. Dins aquel trabalh, tot de cançons originalas, Cabrel torna revendicar la lenga occitana. Dins la cançon que dona son títol a l’album lo cantaire d’Astafòrt (Brulhés) se fa defensor de la biodiversitat de las lengas en comparant la desaparicion de l’occitan a aquela dels aucèls. “Dab aqueste trepejament peu francés sus las lengas regionalas, perdèm la nòsta istòria, las nòstas arrasics e fòrça riquesas, perque i a fòrça imatges dens aqueras lengas que non trobam pas en francés”, çò ditz lo cantaire a La Voix du Nord. Las autras cançons del disc parlan del camin de la crotz de Crist, de la vida en preson de Mandela o de la batalha d’Azincourt. Al delà, i a totjorn de cançons d’amor.
 
Es pas lo primièr còp que lo celèbre musician d’expression francesa fa d’omenatges a sa cultura occitana. En 1983 escriguèt una cançon entitolada Les chevaliers cathares e en 2010 participèt a un album del Còr de Bèrra [Corou de Berra]. Es tanben president de l’associacion Voix du Sud.
 
Cabrel venguèt un dels cantaires mai presats de la scèna francofòna a partir del succès de sa cançon Je l’aime à mourir en 1979.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Domè
38.

Siáu impacient de legir lei cronicas musicalas setmanièras dau Manu Théron, en esperant que mi faràn pas dormir coma va fa sa musica

  • 0
  • 1
Joan Elia
37.

Francis Cabrel es vertadierament e definativament un cantaire occitan d'espression francesa.
Una précision : Cabrel es pas lo President de Voix du Sud. Es lo Fondator, mas lo Président es un cantaire occitan vertadier : Joan Bonafont del grop Peiraguda.

  • 6
  • 0
Lutz
36.

#32 Que malastrosament i a totjorn de monde per criticar… òm se demanda ben perqué ! Al mens que foguesse dins la lora natura ? Es lo sens d'aquela frasòta, qu'es coneguda dins sa version «lenga dominanta de l'Internet».

  • 3
  • 0
antalya apraquital
35.

#34 Ah e ben iò tanben ai agachat e malastrudament ai vist ren de ren.....

  • 3
  • 1
Carle Casau
34.

#29 encuei divendres 20 de març, cerqui monte avètz començat d'escriure dins Jornalet?

  • 3
  • 1

Escriu un comentari sus aqueste article