Bandièra01 1180x150: Comuna de Tolosa

Actualitats

Bordèu: exposicion de las fotografias d’Arnaudin amb de comentaris en occitan

Lo Musèu d’Aquitània aculhís fins al 31 d’octòbre una exposicion que mòstra l’òbra fotografica de l’artista landés entre los ans 1874 e 1921

| Musèu d'Aquitània
Lo Musèu d’Aquitània de Bordèu aculhís fins al 31 d’octòbre una exposicion entitolada Fèlix Arnaudin, lo gaitador melancolic, que mòstra l’òbra fotografica de l’artista landés entre los ans 1874 e 1921. Los comentaris son en anglés, francés e occitan.
 
L’exposicion es consagrada a l’etnograf gascon que consagrèt sa vida a la documentacion del patrimòni oral e a la constitucion d’una memòria visuala. Expausa sas colleccions fotograficas amb aperaquí 3000 clichats sus placas de veire : se prèsa aquelas fòtos mai que mai per lor interès etnografic tocant l’istòria pauc coneguda del país.
 
Son tanplan previstas d’animacions a l’entorn de l’exposicion amb de vesitas comentadas, de conferéncias, de musica... A l’ocasion de l’eveniment, las edicions Confluences, qu’an editat l’òbra d’Arnaudin en 9 tòmes, an consagrat lo darrièr volum a son òbra fotografica.
 
L’InÒc a menat a tèrme la version de l’exposicion en lenga occitana.



Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Edgar Ripeta Perpinhan
1.

Bona maiada a totòm!

  • 3
  • 3

Escriu un comentari sus aqueste article