La societat Tesla Energy, del multimilionari sud-african Elon Musk, a presentat una nòva linha de batariás de ions de liti: que son pensadas per emmagazinar d’energia a l’ostal e als petits burèus o botigas, s’alimentan amb de placas solaras o d’autras fonts d’energia renovelabla. En se desmarcant un pauc de son mercat abitual, lo de las veituras electricas, Tesla a anonciat la Powerhall Home Battery, amb un modèl de 10 quilowatts ora e un autre de 7 quilowatts ora; aquela batariá cèrca de “cambiar lo bais que lo mond utilizan l’energia”, segon çò qu’a dich Musk.
 
L’entrepresa èra a trabalhar dempuèi fòrça meses sus aquela sòrta de dispositius capables d’ajudar als usatgièrs a estalviar dins la factura d’electricitat; pòdon facilitar la totala implantacion de las energias renovelablas dins lo sistèma electric. L’idèa es que se pòsca emplegar las batariás, amb un prètz d’entre 3000 e 3500 dolars per unitat, quand los pics de consume seràn mai nauts, quand i aurà de talhs al ret electric o per emmagazinar d’electricitat dins las oras que las tarifas son mai bassas. En mai d’aquò, pòdon acomolar l’energia solara o eoliana de jorn per l’utilizar de nuèch.
 
Segon Musk, aquelas batariás poirián ajudar a revolucionar lo consume d’energia dins aqueles endreches ont i a pas de ret electric, coma dins qualques regions de païses en procès de desvolopament. Atanben, calcula que dos miliards de Powerhall poirián emmagazinar tota l’energia que lo Mond consuma. Dins sa presentacion, Musk apondèt que sas batariás Powerhall poirián “aver un ròtle similar a la faiçon que los telefòns mobils an remplaçat los telefòns fixes”.