Actualitats
Aurenja: los escolans e los professors d’occitan son indignats
Permeton pas als calandrons de contunhar l’escolaritat dins lo sol collègi que prepausa la matèria d’occitan
Los escolans d’occitan, los parents e los professors son indignats a Aurenja (Comtat Venaicin). E mai se l’escòla aviá una convencion amb lo Collègi Barbara Hendricks per que los calandrons i poguèsson contunhar d’aver l’ensenhament de l’occitan, qualques escolans son estats refusats.
“Tres enfants solament avián demandat una derogacion”, çò ditz a La Provence Bernat Vaton, president de Ben Lèu, l’associacion que gerís la Calandreta. “Cada annada, l’acadèmia refusa a[u Collègi] Barbara Hendricks leis enfants que son pas dins la carta escolara, levat de l’an passat, ont òm aviá reüssit a i faire intrar los escolans”, una satisfaccion que foguèt, doncas, de corta durada.
De son costat lo professor del collègi, Matieu Poitavin, declarèt totjorn al jornal provençal que s’agís d’un escandal. “Aquò es un escàndol, car lo collègi es lo sol a Aurenja a prepausar l’ensenhament dau provençau. Maugrat lo fach que cèrteis opcions pòscan permetre lei derogacions, aquela es pas considerada coma prioritària”, çò planh.
Los professors d’occitan de la Calandreta e del collègi, los escolans e los parents son indignats. “Dau temps qu’anam vèrs un projècte de lei constitucionala per ratificar la Carta dei lengas regionalas, comprenèm pas perqué ren es fach per facilitar la continuitat pegadogica”, çò se demanda Vaton.
En mai d’aquò, dins l’encastre de la reforma del collègi que s’aplicarà en 2016, los escolans qu’auràn reüssit a estudiar la lenga del país veiràn que la matèria d’occitan despareis en seisena (primièra annada del collègi).
“Tres enfants solament avián demandat una derogacion”, çò ditz a La Provence Bernat Vaton, president de Ben Lèu, l’associacion que gerís la Calandreta. “Cada annada, l’acadèmia refusa a[u Collègi] Barbara Hendricks leis enfants que son pas dins la carta escolara, levat de l’an passat, ont òm aviá reüssit a i faire intrar los escolans”, una satisfaccion que foguèt, doncas, de corta durada.
De son costat lo professor del collègi, Matieu Poitavin, declarèt totjorn al jornal provençal que s’agís d’un escandal. “Aquò es un escàndol, car lo collègi es lo sol a Aurenja a prepausar l’ensenhament dau provençau. Maugrat lo fach que cèrteis opcions pòscan permetre lei derogacions, aquela es pas considerada coma prioritària”, çò planh.
Los professors d’occitan de la Calandreta e del collègi, los escolans e los parents son indignats. “Dau temps qu’anam vèrs un projècte de lei constitucionala per ratificar la Carta dei lengas regionalas, comprenèm pas perqué ren es fach per facilitar la continuitat pegadogica”, çò se demanda Vaton.
En mai d’aquò, dins l’encastre de la reforma del collègi que s’aplicarà en 2016, los escolans qu’auràn reüssit a estudiar la lenga del país veiràn que la matèria d’occitan despareis en seisena (primièra annada del collègi).
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Per completar la responsa de Felip, aqui l'adreiça de nòstra cronica ont parlàvem d'experiéncias pedagogicas : http://opinion.jornalet.com/felco/blog/624/la-lei-la-lei...amb-aquo-se-parlessiam-daure, e mai aqui : http://opinion.jornalet.com/felco/blog/1131/arrestessiam-un-pauc-de-plorar-se-sentiriam-pas-mielhs.
Veire tanben aquesta cronica sul foncionament d'un sit bilingue public : http://opinion.jornalet.com/felco/blog/958/de-que-se-passa-sul-terrenh-una-visita-a-un-sit-bilingue-a-moissac
Ajusti, per respondre al questionament de T. lausa e GJ Barcelo, que sus nòstre sit internet, i a una pagina "pedagogia" ont ensagi de metre en linha (sens i arribar, de tant que n'i a e de tant que nos cal gerir d'informacions diferentas, coma FELCO) las informacions que nos arriban o que trobam dins la premsa : http://www.felco-creo.org/mdoc/index_fr.php?categ=pedago
Me pareis que s'es un pauc perdut de vista lo subjecte vertadier de l'article, a saber lo sabotatge administratiu qu'empedis a d'escolans de calandreta d'anar dins un establiment ont poion persègre lor estudi de la lenga. E aquo dona una accion juncha entre ensenhaire dau public e parents d'escolans de calandreta. Es una situacion interessanta, me sembla.
Per l'aure, resposta es estaa donaa : oc, los ensenhaires d'occitan son capables de gerir de nivèus diferents dins una meteissa classa. E an pas esperat las "reformas" per saber ço qu'es lo trabalh interdiciplinari. Poèm regretar, dins l'absolut, qu'existen pas de filièras que permeten de desseparar los que sabon jà la lenga de los que la descuerbon, mas dins lo mond reau aquo exista pas. Un jorn benlèu. En esperant fasèm au mielhs, vaqui, e eriam conscients dau problema drant que nos los sinhalesson. Vaqui.
L'i a una demanda de comunicacion sus las experiéncias pedagógicas menaas dins l'escola. Quauques meses en reire, aquo èra estat lo tèma d'una de nostras cronicas FELCO ("se parlessiam un pauc d'aure ?". Eran aqui presentaas d'experiéncias dins los diverses nivèus d'ensenhament. Aquel artilce avia provocat quatre respostas, ço qu'es pas negligible. L'i remando los legeires. Penso que deuria estre possible, sieie dins l'encastre de la cronica FELCO, sieie en defora (se fai jà) de tornar presentar d'experiéncias ansin.
#15 Après verificar, sembla que i aja una diferéncia entre l'"argumentum ad personam" e "l'argumentum ad hominem": d'atacar la persona de son adversari dins un debat es un "argumentum ad personam". "L'argumentum ad hominem" sembla, el, de discreditar un rasonament en foncion dels actes d'una persona: per exemple, reprochar a un occitanista independentista d'èsser fonctionari de l'estat francés e de demissionar pas es un "argumentum ad hominem".
#9 ad personam
seriá pas Ad hominem l'expression generalament emplegada ?
#11 Pensi per exemple ais articles tant interessants coma pertinents de Lucia Roulet-Casaucau. Cresi que seriá una bona causa que d'autreis ensenhaires d'occitan partegèsson son experiéncia pedagogica.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari