CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dijòus, 19 de setembre

Actualitats

Dimècres, 24 de junh de 2015, 03h00 Societat,Cultura,Cosina

Lengadòc > Lengadòc Bas > Carcassés

La rabassa s’occitaniza...

Aqueste dissabte 27 de junh, se debanarà a Rotlens en Malapèira la jornada de la rabassa d’estiu: Rabassa e Terrador


Comentaris Un comentari    
Marrit Flac Bon Plan bon Fabulós (4 vòtes)
carregant En cargar


Aqueste dissabte 27 de junh, se debanarà a Rotlens en Malapèira la jornada de la rabassa d’estiu, Rabassa e Terrador, a l’iniciativa de l’associacion locala lo Camin del Vin.
 
An agut la bona idèa de doblar lor comunicacion en lenga nòstra, un brave exemple per totes los organizaires de manifestacions del terrador en Occitània.
 
S’adreiçan atal als curioses e epicurians per prepausar lo mercat de la rabassa e dels produits del terrador, la tasta dels vins de l’AÒP Malapèira, qualques talhièrs de cosina rabassada, qualques demostracions de cèrca del preciós campairòl per la gossatalha rabassaira e plan d’animacions: banastariá, torn a la còrda, cotelièr, amolaire, musicas, ferrièras, jòcs pels mainatges... Los golards, golafres, lipets e chapaires se recamparàn a l’entorn de la taulejada campanhòla amb tastet rabassat, entrepan a la tapenada rabassada e una doçor rabassarèla.
 
En fin de matinada, Mirèlha Braç signarà son libre Afogassets e trufariás e Alan Roch sos 2800 signes.
 
E òc, las edicions Letras d’Òc reprenon dins la colleccion Camins lo libre de Mirèlha Braç, paregut primièr en 1997 cò d’IEO-Vendémias. La primièra version s’entitolava: Afogassets o l’art de beure pas tot sol. Aquesta segonda se ditz: Afogassets e trufariás, de recèptas per l’aperitiu. Comprenètz atal que la rabassa negra es venguda mai presenta sus las taulas audencas e occitanas.
 
L’editor estipula: “Pel plaser de vos congostar e de vos regaudir en companhiá, aquí lo receptari deliciós e imaginatiu que Mirèlha Braç vos ofrís. I descobriretz tot çò que cal per vos obrir l’apetís en acomodant las siás recèptas, tant occitanas coma vengudas d’autras ribas de mar, que las poiretz acompanhar d’un veirat de bon vin.”
 
Bon, a l’Ostal Sirventés, sèti del Cercle Occitan del País de Carcassona, se vei regularament lo mond acompanhar los afogassets de mai d’un veirat de vin (es de mal demorar lo gargalhòl sec amb las bonas causas de tastar!)
 
Traparetz d’idèas per un seissantenat d’“afogassets” salats, un vintenat de sucrats (que tretze son de Nadal!), mièja dotzena de recèptas rabassadas, un plat mai que consistent (la lèbre a la reiala) e un pichon lexic culinari occitan-francés.
 
A costat dels grands classics: caviar (de merinjana), taperada, anchoiada, acras, hummus, salsissa al vin, rosòlas, favonada, moretum, ponti... d’autras recèptas vos faràn tanben ganhar l’estima dels vòstres convidats: güacamòl de caulet-bròca, pescajons garnits d’èrbas, albricòts e carnsalada, gruns de rasim e la Guiòla, esquissat de merluça, nauquets a la brandada, braç de Vènus al cambajon, troitas de color (verda: èrbas; roja: pebròt doç; jauna: carri), aluquetas al piston... E, per ne tornar a las rabassas, que dire dels calissons de brandada de merluça rabassada o de las tòstas rabassadas al “lardo di Colonnata” (un lard que demòra de meses dins de tinas de marme: perqué aguèron pas l’idèa a Caunas de Menerbés?).
 
E, çò que gasta pas res, qualques supèrbas fotografias de colors illustran las paginas e vos fan perlupar d’avança!
 
 
 
 
Ostal Sirventés



publicitat
BANER1-2-3: DGPL DICTADES



Comentaris

24 de junh 16.16h

Ma familha qu'es de Provença maritima (departament Var) a sempre vist la recèrca e la cultura de la rabassa dins lo relarg. A Lòrgue son especializats per aquò e li es un mercat famós en per aquí...


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL AN LAFONT

Editorial

Lo jornalisme fa son trabalh

Lo 15 de mai passat, vesitàvem lo licèu Pierre et Marie Curie de Menton. Voliam far un pichon reportatge amb los liceans de la classa d’occitan per nòstra emission #aranésòc ...
giny

Lo temps

Mapa
  • sol Agen 21
  • sol Aush 22
  • sol Bordèu 22
  • sol Briançon 13
  • sol Caors 23
  • sol Carcassona 22
  • sol Clarmont-Ferrand 17
  • sol Confolent 17
  • sol Gap 12
  • sol La Canau 23
  • sol La Gàrdia 19
  • sol Limòtges 19
  • sol Lo Borg Sant Dalmatz 18
  • sol Lo Puèi de Velai 15
  • sol Marselha 22
  • sol Montpelhièr 22
  • sol Naut Aran 18
  • sol Niça 21
  • sol Nimes 22
  • sol Pau 23
  • sol Peireguers 21
  • sol Rodés 22
  • sol Tolon 21
  • sol Tolosa 22
  • sol Valença 18

giny

giny

Vidèos

giny

Entrevista

“Volèm recobrar la fiertat d’èsser catalans”

Jordi Riba president de l’Associacion Culturala Vibrant

“Volèm recobrar la fiertat d’èsser catalans”
giny

giny

publicitat

lateral 2 teveoc

Fotografias

  • Asuèlhs comengeses. © Franc Bardòu

    Asuèlhs Comengeses

  • © Xavi Gutiérrez Riu

    31n rescontre occitanocatalan al Pòrt de Salau

  • © Franc Bardòu

    Tèrra albigesa

  • País de Rasés. © Franc Bardòu

    País de Rasés

  • © AR

    Vila d'Usès e lo pont de Gardon

  • Niça vièlha en occitan niçard. © LR

    Niça vièlha en occitan niçard

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • Omenatge a Aragon. © Franc Bardòu

    Omenatge a Aragon

  • L’aur dau fuòc

    Pantais (Poèmas de Lisa Gròs sus pinturas de Christine Nicolas)

  • De malhorquins sus la Dòma de nèu dels Escrichs

    L'estiu dels legeires de Jornalet 2018

  • 80a annaia d’a fèsta dau limon a Menton, en lu Òrts Biovès (16 de febraro au 6 de mars). ©  Artusa Garavan

    80a annaia d’a fèsta dau limon a Menton, en lu Òrts Biovès (16 de febraro au 6 de mars)

  • Canejan. Montanhes. © Xavi Gutiérrez Riu

    Val de Toran (Aran)

  • © Laurenç Revèst

    La botiga de Macarèl a Sant Joan de Vedats (Montpelhierenc)

  • Nòstre sap de Chalendas. © Guiu de Valença (Daufinat occitan)

    Concors de Nadal 2014. Las Calendas en çò vòstre

  • País de Rasés. © Franc Bardòu

    País de Rasés

  • Crotz de Venasca (e de Tolosa) sus un bac de flors a Forcauquier. © Eriei Casternòu

    Concors d'estiu 2012: La fotografia de las vacanças

  • ©  LR

    Mostier e òrts de Cimiés, antica ciutat de Cemenelum, actualament quartier de Niça

  • Aison. © Andrea Celauro

    País d'Aison (Val d'Estura)

  • © Franc Bardòu

    Tèrra albigesa

  • Lo grand passacarrièra de Rodés. Occitan Pride 2013

publicitat

LATERAL2 330x60: Casteth Paums



publicitat

LATERAL1 300X250: sapiéncia

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)