Bandièra01 1180x150: Comuna de Tolosa

Actualitats

La television espanhòla blòca l’emission d’un documentari sus Joan Carles Ir

Fach per una productritz francesa, lo filme serà lèu emés sus France 3

A l’escasença del primièr anniversari de l’abdicacion de Joan Carles Ir d’Espanha, la television estatala espanhòla (TVE) aviá previst l’emission d’un documentari realizat per Miguel Courtois e produch per la societat Cinétéve. Ça que la, lo documentari s’es pas emés e la television espanhòla a aquesta pas cap d’intencion de lo programar. De responsables de TVE an dich al jornal El País que se tracta d’“un produch qu’es pas actual” e que “tracta d’un rei qu’es pas mai rei”.
 
Mas El País afirma tanben que de dirigents de TVE, amb son director en cap, José Antonio Sánchez, exigiguèron a Courtois qu’al costat de las intervencions de politicians socialistas espanhòls destacats i apareguèsson tanben de representants del Partit Popular. Sembla que la societat de produccion francesa auriá ensajat de contactar los representants populars mas sens obténer cap de responsa, e pr’amor d’aquò lo filme serà pas emés en Espanha.
 
Dins l’estat francés se poirà veire lèu sus France 3.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pirolet
1.

Ai la censura, ai la censura!
Valga'm Deu, quina impostura!
(La Trinca)

  • 4
  • 0

Escriu un comentari sus aqueste article