Bandièra01 1180x150: Comuna de Tolosa

Actualitats

Una multa de 30 000 èuros contra lo Barça perque los suportaires revendicavan l’independéncia de Catalonha

L’UÈFA a impausat aquela sancion perque se cridèt “independéncia” e se mostrèt de drapèls independentistas dins la finala de la Liga dels Campions a Berlin

Lo comitat de disciplina de l’UÈFA a decidit d’impausar una multa a l’FC Barcelona amb 30 000 èuros pels crits d’independéncia e l’exibicion de drapèls independentistas que los portavan los suportaires fins a la finala de la Liga dels Campions, que se joguèt lo 6 de junh passat a Berlin contra la Juventus de Turin. Lo maximal organisme del fotbòl europèu s’es basat sul sieu article 16.2, que punís “l’usatge de gèstes, paraulas, objèctes o quin autre mejan que siá per transmetre quin messatge que siá marrit per un eveniment esportiu, mai que mai los messatges politics, ideologics, religioses, ofensius o de natura provocanta”.
 
Aquel article establís que “las associacions e los clubs son los responsables del comportament inadeqüat de lors suportaires e que pòdon èsser objècte de mesuras disciplinàrias e directivas, e mai se pòdon demostrar que i aguèt pas de negligéncias dins l’organizacion de la partida”.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

"Tàrrega" Igualada (PP.CC.)
3.

A que no saveu per on us la podeu ficar aquesta multa...
Hi ha multa perquè l'estat espanyol apreta, i... oh raresa Eurpa li fa cas...
No vol dir quelcom això

  • 0
  • 0
Ernèst Guevara Jr. L'Avana
2.

E se coneissi plan lo mond merdassièr de la finançalha dita "esportiva", un pòble que reclama son dreit a l'autodeterminacion e a la dignitat, que fa valer son dreit universal de dispausar d'el-meteis, aquò's ofensiu e provocant. Mentre que d'impausar l'alienacion d'un pòble a un autre, aiçò non qu'es pas ofensiu per degun, de ges de biais, per dieu !

  • 1
  • 0
Batko
1.

Se coneishi plan los Catalans, aquò que'us harà una bèra gamba ...

  • 3
  • 0

Escriu un comentari sus aqueste article