Bandièra01 1180x150: Comuna de Tolosa

Actualitats

Se presenta en Escòcia l’aliança de l’esquèrra anticapitalista e independentista

Lo nòu partit defend l’independéncia d’Escòcia dins un encastre socialista e se reclama eiretièr de las luchas obrièras e del movement verd

| Socialist Party Scotland
Se presenta uèi en Escòcia l’alianca de l’esquèrra anticapitalista e independentista, çò que seriá l’equivament de Libertat en Occitània o de la CUP als Païses Catalans. Se nomena RISE, que significa “se levar” en anglés, mas qu’es tanben l’acronim de “Respect, Independence, Socialism and Environmentalism” (respièch, indpendéncia, socialisme e environamentalisme).
 
Lo nòu partit defend l’independéncia d’Escòcia dins un encastre socialista e se reclama eiretièr de las luchas obrièras e del movement verd. Lo nòu grop se presenta dins un grand acte public a Glasgow ont i a de representants de Syriza, Podemos, Quebec Solidaire e Die Linke. A ja anonciat que se presentarà a las eleccions venentas al parlament escocés.
 
RISE es nascut coma una confluéncia de la nòva esquèrra anticapitalista escocesa, basicament estructurada a l’entorn del Partit Socialista Escocés e del Projècte de l’Esquèrra Escocesa (Scottish Left Project). L’esquèrra anticapitalista escocesa aguèt un ròtle important dins la campanha del referendum e, dempuèi que se faguèt, voliá crear un grop que provisòriament se coneissiá coma “la Syriza escocesa”. Los impulsors an reconegut dins fòrça escasenças que la CUP dels Païses Catalans èra un dels movements que los inspiravan.
 
La deputada independenta del parlament escocés Jean Urquhart a ja anonciat l’intencion de jónher lo nòu partit. Urquhart foguèt elegida deputada dins las listas del Partit Nacional Escocés (SNP), mas l’abandonèt puèi perque l’SNP acceptèt qu’una Escòcia independenta poiriá far partida de l’OTAN.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Francesc Palma de Mallorca
4.

La dreta vol portar l'independència ? e té l'aval de los americans, l'otan,e los gasters usurers de los bancs privats e lo mateis conh bendit. Mas realament vol Mas proclamar l'independencia, ja es va veure que pas. E ara hi ha lo primier de la lista que haurà de far la feina pesada de proclamar-la. L'esquerra es mai seriosa e té parraula, se diu que vol proclamar-la, ho fa e prou, encara que hagin d'anar a la preson.

  • 0
  • 0
Òlo Pujòlo
3.

#2 "Los impulsors an reconegut dins fòrça escasenças que la CUP dels Païses Catalans èra un dels movements que los inspiravan."

  • 3
  • 0
Ernest Guevara Jr. L'Avana
2.

E, quicòm mai… Se dison la Syriza escossesa. Perqué pas ? Mas, quina Syriza ? La que daissèt tranquillament lo pòble grèc se far trepejar jos la bòta tiranica de l'ordoliberalisme dictatorial d'Euròp ? O la que, amb quaranta deputats siá disent "durs", es a dire intègres, que mantenon lo cap e las amiras qu'amb eles son estats elegits pel pòble e que refusan donc l'alienacion a la dictatura d'Euròpa de de sa "Troïka" de m… ?

  • 5
  • 0
Ernest Guevara Jr. L'Avana
1.

Anticapitalista e independentista ?!! Devèm donc interpretar qu'es independentista de cap a la corona britanica mas aitanplan de cap a la dictatura capitalista europèa que trepeja ja tota mena de democracia autentica… Se que non, son pas que de fadòlis coma los politicassaires siá disent d'esquèrra que n'avèm pas que tròp costuma.

  • 4
  • 0

Escriu un comentari sus aqueste article