Bandièra01 1180x150: Comuna de Tolosa

Actualitats

crotz-tolosaCreated with Sketch.LengadòcLengadòc NautPaís d'Òlmes

Montsegur 1944: un videoclip esmovent de Vox Bigerri

Lo nòu disc del còr bigordan de polifonias, entitolat Ligams, pareisserà en octòbre que ven, mentretant, prepausan un vidèo cada setmana

Per festejar son desen anniversari, Vox Bigerri prepausa dètz vidèos en esperant la sortida del disc venent, Ligams, qu’apareisserà en octòbre d’ongan. Cada diluns poiretz trobar un vidèo nòu sul sit de Le Fil.
 
Aquesta setmana, los cantaires bigordans prepausan un vidèo esmovent enregistrat al Castèl de Montsegur (País d’Òlmes). “Los imatges de l’amic Bedel son plan beròis e hèits despuish un dròne; i avèm cantat en live, en presa dirècta e sens montatge. Èra un moment esmovent”, çò diguèt a Jornalet Pascau Caumont, cantaire de Vox Bigerri e compositor de la cançon Montsegur 1944d'poèma de Renat Nelli, que s’interprèta dins lo clip.
 
Caumont tanben expliquèt que “lo navèth album (Ligams) serà lo parat de har conéisher enqüèra mei ample l’èime e l’esperit d’Occitània”. L’album sortirà lo 2 d’octòbre a Tarba e se presentarà en tornada en Occitània (Marselha, Tolosa, Tarba) e endacòm mai (París, Nantas, Viena, Manresa...).
 
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Franc Bardòu
2.

Per informacion, car "Jornalet", lo "País d'Òlmes" es sonque un invencion torisitca ; non existís mai que lo país de telhs o de píbols. Lo nom del país que Montsegur s'i crinca se ditz Mirapeissés.

Aquò dit, encara un trabalh remirable de Pascal Caumont e un autre, tanben, d'Amic Bedèl ! Es fòrça important de manténer plan viu lo remembre del poèta e umanista En Renat Nelli.

  • 4
  • 0
Francesc Palma de Mallorca
1.

Cars amics, cal pensar per sa difusion tamben amb Barcelona,e lo CAOC . No pas solament per aqueste video, sinon que per lo material en occitan en general.

  • 1
  • 0

Escriu un comentari sus aqueste article