Bandièra01 1180x150: Comuna de Tolosa

Actualitats

crotz-tolosaCreated with Sketch.LengadòcLengadòc NautTolosan

Jean-Claude Martinez: “se canta pas de rap en occitan”

Se presenta un nòu partit ultradrechista que revendica l’occitan per de rasons passadistas, e nomenan la lenga “patés”

| Doctors de Trobar
Se presentèt dimenge a Tolosa un nòu partit de tipe nacionalista francés e ultradrechista que revendica l’immersion dels enfants en occitan. E l’occitan eles lo nomenan “patés” (“patois”), per de rasons passadistas.
 
Lo nòu partit se nomena Force France Sud e lo presenta Jean-Claude Martinez, èx-vicepresident de Lengadòc-Rosselhon e ancian conselhièr regional pel Front Nacional.  Se presentarà a las eleccions regionalas dins l’estat francés previstas pels 6 e 13 de decembre que venon.
 
Dins la presentacion, Martinez presentèt 124 proposicions passadistas, coma o rapòrta La Dépêche. Pasmens, es sa proposicion politica tocant l’occitan que mai nos a estonat. Force France Sud preconiza “l’immersion” dels enfants dins la lenga occitana, que Martinez preferís de la nomenar “patois”. E o fa per de rasons sociolingüisticas prigondas: “de totes los candidats soi lo sol a lo saber parlar. Es una lenga d’amaisament; se canta pas de rap en occitan”.
 
Es probable que Martinez se siá pas interessat als artistas del país coma Crazy Álvarez, Bombes 2 Bal, Le Comité, Lo Dàvid, Fabulous Trobadors, Joglar’vergne, Massilia Sound System, Mossur T e lei Jovents, Oai Star, Soleil FX, Moresca Fracàs Dub, Nux Vomica o los Doctors de Trobar.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Lilian Chovèl Occitània de bisa
18.

#17 Segur! Me pense que pensam totis coma vautres... Quò que trobam geinant qu'es màs la recuperacion politiciana...

  • 0
  • 0
Franc Bardòu
17.

Quora una lenga gaireben perduda se'n torna subre l'empont, cal considerar, coma o fan los Catalans, que son usatge es, pauc a pauc, a mand de venir "normal". Aquò's plan un desir occitanista, non ? A partir d'aquel concèpte de "normalitat", qué i pòt aver de susprenent a çò que los papagais o tornen dire tot en occitan, e mai a çò que los quites ases bramen en occitan ? Una lenga normala, tot lo mond la parla, e mai los quites ases. Una lenga normala es tant pruda coma calhòla, tant guerrejaira coma amaisanta, tant esquerrista coma dreitista, tant dependentista de França coma independentista a la catalana. Una lenga normala o pensa tot, o ditz tot, çò mai fin tant coma çò mai nèci. Ni mai, ni mens. E cap lenga jamai non empacharà pas los ases de bramar…

  • 9
  • 0
Emmanuèl Isopet
16.

#15 Sabi plan que siás pas inocenta ! Ton analisi sus la programacion musicala de Besièrs o mòstra plan.
Mas degun demanda pas de se sietar sus las valors. La causa es qu'a l'extrèma drecha i a tanben de monde que partajan la màger part de tas idèas, quitament se son pas engajat del meteis costat (i a qu'a vèire los ancians d'esquèrra que son al FN) coma i a de monde a esquèrra que se cagan de tas valors e de ta defensa de l'occitan (ai pas besonh de citar degun). Disi simplament que la personas que son ara a l'extrèma drecha i son pas totjorn estadas, e que pòdon cambiar de costat se un programa atractiu lor es prepausat. Tot lo monde a lo drech de cambiar, e avèm lo drech d'ensajar de far cambiar lo monde. E aquò pòt èsser d'anar « pescar » « convertir » « convéncer » de monde que pensam tant aluenhats de nautres.
Per Catalonha, disi pas que i a d'extrèma drecha que votèron per l'independéncia, disi qu'aqueles qu'an votat independentista en disent « vòli pas mai pagar pels mai paures, vòli gardar ma moneda » es un argument que m'agrada pas e qu'agrada pas a totes los independentistas. Pr'aquò son totes amassats darrièr un projecte. Èra una comparason, probablament pas evidenta.
En tot cas es important de contunhar de se bolegar (coma o fas).

  • 6
  • 0
Mélanie Laupies Besièrs - Montpelhièr
15.

#7 "Per aqueles que pensavan que valorizar l'occitan podiá pas èsser de drecha o de drecha extrèma (coma Melania)" me pensas tant innocenta qu'aquò?? E ben!
#7 "cal trobar un biais de los far entrar dins lo nòstre projecte, los cal anar pescar ont son." ieu vòli pas anar pescar l'extrèma drecha, vòli pas costejar de mond qu'an de valors contràrias a las mieunas, emai fotèsson dins son programa que l'occitan, lo faràn obligatòri a l'escòla.
#7 Per çò qu'es de l'"union sacrada" per l'independéncia de Catalonha, i a d'extrèma drecha aquí dedins? I a l'equivalent ranci del front nazional ? Ne dobti (mas me pòdi enganar)

Quicòm mai... que d'aver l'"astre" de demorar dins una vila d'extrèma drecha, aquò fa pensar :
- lo problèma seriá pas que los autres candidats ne parlan pas de l'occitan? (o alara es una causida del jornal ?)
- quid de la programacion culturala municipala de Besièrs ont i a mai d'espectacles en occitan que enluòc mai. Lo problèma seriá pas que las autras comunas ne programan pas d'espectacles en occitan?


  • 5
  • 0
doctors de trobar
14.

#2 Es que si pòt dire que Lou Davi es un rapper ?

De çò que sabi de la musica, non.

  • 2
  • 0

Escriu un comentari sus aqueste article