Bandièra01 1180x150: Comuna de Tolosa

Actualitats

Rajoy a pas obtengut l’unanimitat del Partit Popular Europèu contra Catalonha e Aran

De membres del congrès, mai que mai alemands, an pas volgut votar una mocion contra l’independéncia de Catalonha e Aran

Se debanèt aquesta setmana a Madrid una reünion del Partit Popular Europèu (PPE). A qualques jorns abans la constitucion del Parlament de Catalonha, èra la scèna ideala per que lo president espanhòl Mariano Rajoy obtenguèsse una declaracion conjoncha e solemna de totes los sieus sòcis en menaçant Catalonha e Aran se lo procès cap a l’independéncia anèsse endavant. Tot èra estat preparat: lo tèxt redigit pel Partit Popular (PP) espanhòl e acordat amb los omològs franceses e alemands èra fòrça dur. Mas i aguèt fin finala l’estonament: dins lo vòte, lo tèxt obtenguèt pas brica l’unanimitat.
 
Desaprovèron lo tèxt de representants de qualques païses, e la direccion del PP volguèt pas esclarzir lo resultat, ni qui aviá votat contra. Los jornalistas vegèron que i aviá pas brica l’unanimitat, mas degun obtenguèt pas las donadas per far un retrach precís del moment del vòte. E lo burèu lo volguèt pas donar.
 
Pus tard, qualques parlamentaris alemands de la CDU bavieresa e qualques autres faguèron public qu’eles avián votat contra. De fach, la CDU faguèt de declaracions publicas per dire oficialament qu’aviá votat contra.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Guifed lo Pelós
2.

#1 Tot deputat europèu es de dreita. Euròpa non es una democracia. Un deputat europèu d'esquerra vòl quitar Euròpa, ja qu'es impossible, pragmaticament, de ne modificar la constitucion de tal biais que venga, aquesta Europa, quicòm mai que de dreita.

Aqò dit, èsser de dreita significa que los interèsses privats devon èsser liures de tot contraròtle public, per dire de daissar anar solets los afars economics e financièrs. Res non obliga pas un dreitista de mespresar un pòble (definit per sa lenga), quin que siá. Dreita e esquerra s'opausan al subjecète de las reparticions dels esfòrces e de las riquesas. Mespresar los pòbles non es ni d'esquerra ni de dreita : ven dirèctament del fons de las bordilhas, del racisme, qu'a França ne sabèm mai d'un, dit "d'esquerra" que mespresan los autres pòbles que lo sol pòble francés.

Per contra, foguèsson democrats, coma o indicas, los dreitistas alamands, aurián reclamats que foguèsse respectada la volontat electorala del pòble grèc, çò que non es estat fait, ni pauc ni pro. Concluïrai, ieu, que los deputats alamands (dreitistas e europeïstas - çò qu'es sinonim) non son mai democrats que los de Castilha nin de França.

Mas, ça que la, non son xenofòbs, çò qu'es ja pro bèl…

  • 2
  • 1
francesc palma de mallorca
1.

Brave monde aquestes parlamentaris finlandeses,alemans,...europeus que malgrat ser de dretas, son democratas. Causa qu' es pas lo pp.

  • 4
  • 0

Escriu un comentari sus aqueste article