Bandièra01 1180x150: Comuna de Tolosa

Actualitats

crotz-tolosaCreated with Sketch.AuvèrnheAuvèrnheBrivadés

La Vau de Dieu: la rintrada se passa plan amb la nòva Calandreta

Un dotzenat d’enfants de Brivadés son ja escolarizats dins la lenga del país

| Calandreta Ribeirona
E mai se l’ensenhament en occitan deu superar de mai en mai d’obstacles, la rintrada escolara foguèt gaujosa a la Vau de Dieu (Brivadés) ont los enfants an drech d’èsser escolarizats dins la lenga del país. La Calandreta Ribeirona es ja una realitat per dotze enfants de 3 a 10 ans e ne fa un bèl rapòrt La Montagne.
 
E mai se la Calandreta es installada en cò d’un particular, lo luòc que l’aculhís es l’anciana escòla de dròlles de la Vau de Dieu. An logat lo planpè per poder inaugurar ongan.
 
A l’ora d’ara i a d’escolans de Paulhac, de Vissac e Autairac, de La Mòta, de Vals de Daumairac e, segur, de La Vau de Dieu.
 
“Au despart i aviá doas familhas dau vilatge, puei una autra s’es installada aicí e una autra arribarà plan lèu”, çò explica a La Montagne la presidenta de la Calandreta, del temps que recuèlh lo testimoniatge d’una familha que se son mudats per poder escolarizar l’enfant en occitan: “Vene dau Puei Domat. Alai i a gran de Calandreta. Quò me fai plaser de valorizar l’occitan, de contunhar de lo faire viure. E nos sèm installats aicí per èsser pas luenh de l’escòla”.




Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pirolet
1.

Òsca per la nòva caladreta dins un parçan ont, se m'engani pas, n'i pas gaire ni per una preséncia de la lenga mai fòrta qu'endacòm mai.

  • 1
  • 0

Escriu un comentari sus aqueste article