Bandièra01 1180x150: Comuna de Tolosa

Actualitats

crotz-tolosaCreated with Sketch.LengadòcLengadòc NautTolosan

L’Ofici Public de la Lenga Occitana s’installa uèi a Tolosa

Après una assemblada constitutiva que se’n decidirà lo president, lo programa d’activitat e lo budget, l’ÒPLO s’installa al Rectorat de l’Acadèmia de Tolosa

Aqueste dijòus, a partir de 10 h, l’Ofici Public de la Lenga Occitana (ÒPLO) s’installa al Rectorat de Tolosa, a la plaça de Sant Jacme.
 
Après un acte presidit per la rectritz de l’Acadèmia de Tolosa Hélène Bernard, e pels elegits David Grosclaude, Benoît Secrestat, Sylvie Salabert, Dominique Salomon, Michel Pérez e Guilhem Latrubesse. Se debana una assemblada generala constitutiva ont se designa lo president de l’ÒPLO e se vòta tanben lo programa d’activitat e lo budget.
 
L’Ofici Public de la Lenga Occitana es un organisme public que sa tòca es de definir una politica publica en favor de l’occitan. Arunan La Setmana ne publicava un article ont disiá qu’aquel esplech “permetr de menar una vertadièra politica publica per l’occitan a l’escala de mai d’un territòri”. De fach, La Setmana, que compara l’ÒPLO amb los oficis ja existents al Bascoat e en Bretanha, ditz que la tòca del nòu organisme serà de far trabalhar amassa de collectivitats e d’operators sul terren.
 
 
Una cauma de la fam per l’obténer
 
E mai se la creacion de l’ÒPLO foguèt aprovada en 2014 pels conselhs regionals de Miègjorn-Pirenèus e Aquitània, calguèt que Dàvid Grosclaude menèsse a tèrme una cauma de la fam d’una setmana per que se publiquèsse lo decret necessari dins lo Jornal Oficial de l’estat francés.
 
Se pòt dire que la cauma de la fam de Grosclaude, de mai d’una setmana, faguèt espelir en Occitània, amb de sostens internacionals, un movement de revòlta pacifica e solidària organizat jos l’eslogan “N’i a pro d’èsser mespresats”. L’eslogan faguèt lo torn d’Internet e dels rets socials, sovent amb las fotografias de caras d’occitanistas de divèrsas sensibilitats e d’amics de la causa occitana. Lo 3 de junh, s’organizèt una jornada de mobilizacion, e una compatriòta, Evalina Houlès, decidiguèt de far ela tanben una cauma de la fam.


Mesa a jorn 14h45.

 

L'OPLO est né Ce matin a Toulouse s'est déroulée l'assemblée générale constitutive de l'Office Public de la Langue...

Posted by David Grosclaude on dijous, 12 / novembre / 2015



Barcelona TV - #aranésòc de 18 de genièr 2015: Lo Conselhièr Regional Dàvid Grosclaude presenta l'Ofici Public de la Lenga Occitana



Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pirolet
15.

Macarèl, quand Crostet quequèja, quequèja! li cal balhar d'aiga amb lo crostet.

  • 2
  • 0
Lo vivaroaupenc Dinha
14.

Bòna novèla. Felicitacions e en davans per promòure la lenga occitana!

  • 3
  • 0
Eric 971 Sentann
13.

Va plan, la debuta d'una aventura bèra ! En esperar que sian mei comunicatius que l'AOC... E per participar a distància ?

  • 6
  • 0
Crostet
12.

#4 Fasètz tota vostra vida quotidiana en oc ? Devètz pas viure en França o alara, parlatz pas jamai a degun.

  • 3
  • 3
Crostet
11.

#4 Fasètz tota vostra vida quotidiana en oc ? Devètz pas viure en França o alara, parlatz pas jamai a degun.

  • 2
  • 4

Escriu un comentari sus aqueste article