Las mesuras de seguretat de las autoritats francesas, en seguida dels atemptats de divendres passat a París, e l’estat d’emergéncia, an entraïnat la vigilància de las frontièras. Aquò a fach barrar qualques frontièras politicas existentas en Occitània: del costat de las Valadas e d’Aran. Es lo cas del Pòrt de Portilhon, entre Bossòst (Val d’Aran) e Luishon (Comenge), coma se pòt veire sus aquesta fòto que l’a facha la comuna de Bossòst.
 
Segon de fonts policièras, aquela estrada a pas cap de contraròtle policièr e an considerat qu’èra un ponch vulnerable e, donc, i an enebit la circulacion. A l’ora d’ara i a solament un pas frontalièr de dobèrt entre Aran en Comenge, a Hòs. La polícia estatala espanhòla e la Gàrdia Civila ajudan lo Centre de Cooperacion Policièra de Mèlas (Comenge) per susvelhar aquel ponch frontalièr que d’un costat es Occitània e de l’autre tanben.