Bandièra01 1180x150: Comuna de Tolosa

Actualitats

Vòs veire Star Wars VII e as pas vist los sièis filmes precedents? Vaquí un resumit

Un vidèo de tres minutas resumís las 797 minutas de tota la saga d’Star Wars

| https://commons.wikimedia.org/wiki/User:FDV
Lo 18 de decembre se projectarà en primièra, dins los principals cinèmas del país, l’episòdi seten de la famosa saga Star Wars, qu’a nom The Force Awakens (La Fòrça se revelha). Aquò vòl dire que fins ara i aviá ja sièis filmes. La saga comencèt amb lo filme A new hope (Una nòva esperança), projectat per lo primièr còp lo 25 de mai de 1977. Seguiguèt The Empire strikes back (L’Empèri contrataca) lo 21 de mai de 1980 e The return of the Jedi (Lo retorn del Jedi) lo 25 de mai de 1983. Mai de dos decennis puèi, la saga contunhèt amb una trilogia de prequèlas: The phantom menace (La menaça fantauma) lo 19 de mai de 1999, Attack of the clones (L’atac dels clòns) lo 16 de mai de 2002, e fin finala Revenge of the Sith (Lo revenge dels Siths) lo 19 de mai de 2005.
 
S’avètz pas vist aqueles sièis filmes, los podètz recuperar e veire las 797 minutas o 13 oras e 17 minutas que duran totes amassa. Ça que la, s’avètz pas tant de temps vaquí un resumit de sonque 3 minutas que lo prepausa Direct Matin per vos metre dins la saga d’un còp. Aquò es çò qu’en bon occitan nomenam un spoiler.
 
 

Un résumé des six premiers Star Warsper direct-matin

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pirolet
1.

L'article me sembla pertinent: lo Jornalet pòt pas esquivar de fenomèns aital. Ara, o regreti per totes los starswarslatras, mas la guèrra de las estèlas es pas ma religion. Ai de causas mas interessantas de far en luòc de passar d'oradas a engolir las neciesas de la mièja dotzena de capitols. Per exemple, escriure d'asenadas dins los comentaris de Jornalet.

  • 6
  • 0

Escriu un comentari sus aqueste article