Bandièra01 1180x150: Comuna de Tolosa

Actualitats

crotz-tolosaCreated with Sketch.GasconhaBearnPalés

Bayrou s’engatja a se batre per l’occitan e contra la reforma del collègi

Lo primièr cònsol de Pau foguèt present diluns passat a la “batejada” d’Aprene

| La Setmana
François Bayrou, primièr cònsol de Pau e president del Movement Democrata (Modèm), foguèt present diluns passat a la “batejada” dels novèls ensenhaires de las Calandretas formats per l’establiment Aprene. Aquela “batejada”se debanèt a Pau. Bayrou, qu’es èx-ministre de l’educacion estatala francesa, faguèt de declaracions d’amor a la lenga occitana e s’engatgèt a se batre per defendre las lengas mal nomenadas regionalas al collègi, çò rapòrta La Setmana.
 
Bayrou aguèt de paraulas duras contra la reforma del collègi que deu intrar en vigor dins la rintrada de 2016 e que relèga l’occitan e d’autras matèrias als novèls “ensenhaments practics interdisciplinaris” (ÈPI). E mai se Bayrou aviá ja mostrat son oposicion a aquela reforma, sustot tocant los corses de latin e de grèc, diluns s’engatgèt per las lengas nacionalas coma l’occitan. “Qu’ac harèi tà las lengas regionalas e tà las lengas de las «umanitats» per’mor qu’ei la medisha causa! Lo bearnés, gascon o occitan b’ei latin parlat vint sègles puish!”, çò apondèt.
 
Per Bayrou, la lenga occitana es un “tresaur”, “ua faiçon de véser lo mond”, e quitament  “un ligam dab la lenga latina” qu’el estudièt dins sa formacion en letras classicas; e encara l’occitan èra la lenga de son paire que moriguèt quand el èra jove.
 
 
 

La Setmana: Reforma deu collègi: François Bayrou que s’engatja



 

ACTUALITAT de CALANDRETA--->>Fotos de la ceremonia de la Batejada de 2015 e deus 20 ans deu Centre Aprene - ger ser a la mairia de Pau

Posted by Federacion Escolas Calandreta Bearn on dimarts, 15 / desembre / 2015

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Hébë Endacan mai
4.

Chau saber que davant 1993, las escòlas calendretas èran pas pas reconeissudas per l'estat francés. E Mossur Bayrou, desja engatjat per la linga occitana, aguèt la brava eidèia d'un acòrd entremèi Calendreta e l'estat que balhèt lu mesme 'statut aus institutors de nòstras escòlas bilingüas qu'aqueu daus institutors de las escòlas confesionalas catolicas... Quò fuguèt 'na tarribla avançada!

  • 0
  • 0
VIAULE Sèrgi
3.

Los occitanistas son de braves monde. An besonh de Paires-Nadal per viure. Tre que las fèstas se sarran (e quitament tota l'annada) son prèstes a desbrembar las promessas de anterioras per de novèlas. De promessas totas nòvas, coma l'an nòu que punteja.
Banlèu qu'an besonh d'aquò per se suicidar pas. Qual o lor poiriá reprochar?
Òc-ben, los occitanistas son de monde bravament ninòis. Mas talament simpatics...

  • 3
  • 6
Pascau
2.

N'ei pas inutil de raperar ací las purmèras accions de l'equipa municipala Bayrou tocant l'occitan :

- transformacion deu Noël Pyrénéen (animacions de Nadau dab sinhaletica bilingua, garbura e musica occitana a gratis) en Noël anglais (animacions qui supausi mensh costosas mes shens briga d'occitan... e los panèus bilingues qui èran dejà hèits, n'auré pas costat arren de'us utilisar un an de mei)

- Delocalisacion deu carnaval biarnés de la Hauta Planta a la heira de las exposicions, politica d'empach qui a menat Carnaval Pantalonada a non pas organisar lo Carnaval Biarnés 2016

Voilà, voilà... Qu'ei raperat.

  • 11
  • 1
Hèbë Endacòm mai
1.

Per un còp que n-i a quauqu'un dau monde politician que s'interèssa en la nòstra linga...
Gaitatz màs le boçin de son parladís qu'aviá fait en linga nòstra, vas Tolosa, per las eleicions presidencialas francesas de 2012 : https://youtu.be/7Km1AfSIdCg?t=166

  • 10
  • 2

Escriu un comentari sus aqueste article