Bandièra01 1180x150: Comuna de Tolosa

Actualitats

L’Estat Islamic a perdut lo 14% del sieu territòri en un an

Mentretant, los curds de Siria an gaireben triplat lor superfícia

Lo dich Estat Islamic en Siria e en Iraq (EI, o Daish segon la sigla en arabi, o ISIS segon sa sigla en anglés) a perdut lo 14% del territòri que contrarotlava arunan, coma o expliquèt diluns passat l’institut IHS Jane que ten son sèti a Londres.
 
L’IHS crei que la zòna contararotlada per l’EI se reduguèt de 12 800 quilomètres cairats entre lo 1r de genièr e lo 14 de decembre de 2015. Lo grop contraròtla a l’ora d’ara 78 000 quilomètres cairats, segon l’estudi.
 
Mentretant, los curds de Siria an gaireben triplat lor superfícia.
 
Una de las pèrdas de l’EI es la zòna de frontièra del nòrd Siria, près de Turquia, e la region de Tala Abyad. La pèrda del contraròtle d’aquela frontièra, segon l’institut, a agut un impacte financièr fòrça negatiu, agravat amb l’impacte dels recents atacs aerians.
 
L’institut soslinha tanben de pèrdas coma la de Tikrit, en Iraq, lo complèxe de la rafinariá de Baiji e un tròç de l’estrada principala entre Mossol e Raqqa, que complicarà lo transferiment de bens e de combatents entre las doas vilas mai importantas que l’EI contraròtla.
 
Per contra, l’EI a conquistat d’autres territòris e mai se compensan pas las pèrdas. Se destaca mai que mai l’intrada en Siria occidentala a travèrs de Palmira e la presa del centre de Ramadi.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Savonarola
2.

Lei musulmans son necites per regenerar nòstre país. Inch Allah.

  • 4
  • 3
savonarole
1.

primera citacion de Voltaire "écrasons l'infâme" segonda de Caton l'ancian "delenda est Jihado", sabi que repepii , mai a mon atge (a mon edat, aquò ei permes emai recomendat, coma l'amor manten en vida e dona una ocasion suplementària de se trufar a pauc de fres dau vièlh Savonarole, vox clamans in deserto, dau mens dins lo desèrt ideologic monocròme dau Jornalet

  • 1
  • 1

Escriu un comentari sus aqueste article