Bandièra01 1180x150: Comuna de Tolosa

Actualitats

Lo presonièr politic basco, Arnaldo Otegi, es sortit de la preson

Sièis ans e mièg après son embarrament, es arribada la fin d’una condemnacion polemica

Aqueste 1r de març es una data remarcabla dins lo calendièr politic basco. An mes en libertat Arnaldo Otegi après que foguèt estat butat sièis ans e mièg en preson. Plusors politics e actors de las societat civila basca, mas tanben catalana e d’endacòm mai, son anats a la pòrta de la preson de Logronh (Espanha) per lo recebre. Dissabte es previst un acte multitudinari de benvenguda al Velodròm de Sant Sebastian (Bascoat).

Embarrat en preson sièis ans e mièg per aver volgut crear un espaci politic ont i aguèsse pas de luòc per la violéncia, lo cap independentista basco es estat acusat d’aver ensajat de rebastir lo partit illegalizat Batasuna.
Cal dire que Batasuna foguèt jamai illegal en Euskadi Nòrd, e i tenguèt normalament son activitat fins a la data de sa dissolucion, anonciada a Baiona lo 3 de març de 2013.


L’afar Bateragune
 
Otegi foguèt condemnat per apertenéncia a una banda terrorista dins l’encastre del dich “afar Bateragune”, ont lo jutgèron, a el e a d’autres politicians, en l’acusant de refondar Batasuna —un partit politic basquista, independentista e socialista qu’èra estat illegalizat en Espanha en 2003— e mai en l’acusant de s’amassar amb ÈTA dins una temptativa ont la banda armada declarèt una trèva, per fin que de basquistas poguèsson participar a las eleccions municipalas e autonomicas bascas de 2011.


Enjòc politic

Ara, Otegi poirà pas ocupar cap de cargue public fins en febrièr de 2017. Dins un primièr moment, l’estat espanhòl l’inabilitèt politicament fins en 2020 mas Otegi demandèt l’opinion de la Cort Europèa dels Dreches Umans.

L’enjòc politic que lo pòt aver lo Bascoat amb sa libertat pòt èsser grand pr’amor que  fòrça analistas avián afirmat que, s’Otegi podiá participar politicament a qualques eleccions de la Comunautat Autonòma Basca, podriá venir, plan probable, lo nòu Lehendakari o president, çò que causariá un problèma de mai per l’estat espanhòl, qu’ara ja n’a un de grand amb Catalonha e lo sieu procès independentista. Es ben probable qu’Otegi n'entamenariá un autre en Bascoat.

Dins aquel sens, Vilaweb publica un article d’Alexandre Solano e Seda Hakobyan que compara Otegi amb d’autres presonièrs politics que son venguts presidents de lors païses o qu’an obtengut de cargas politicas importantas, coma es lo cas de José Mujica, Nelson Mandela, Dilma Rousseff o Aung San Suu Kyi.


Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

"Tàrrega" Igualada (PP.CC.)
6.

Arnaldo, sigues benvingut. Ara comença la veritalbe lluita , que mai has deixat, crec que els Bascos necessiten un home com Tú, i el Món necessita gent tant forta com són els Bascos.
Gora Euskadi!
"El Tàrrega".

  • 0
  • 0
Javier Vielha
5.

Cau tier compde damb es tèrmes qu'emplegam. Un presoèr politic ei quauquarrés qu'ei empresoat pes sues idèes. Eth delicte d'Otegi non ère aguest (que non ac ei en Espanha), senon reconstrusir er aparelh politic d'ua organizacion armada
A Göebbles se li atribuís la frase de que "ua mentida repetida mil còps, se convertís en ua vertat"



  • 0
  • 0
francesc Palma de Mallorca
4.

lo pp ha guanhat força eleccions per la questio d'eta. Es sa maniera de guanhar votes. Lo dia que haja pas acò, aleshores haurà de parlar qu' eles lo que volen es viure amb lo poble oprimit e dins l'ignorancia, per los poder enganar.

  • 2
  • 0
Pirolet
3.

#2 Gara qu'amb lo biais qu'an d'espandir lo malhum, e lo govèrn de Madrid mai que d'autres, totes finirem per èsser complicis d'assassins. Un jorn vos acusaran d'aver crosat un etarra sul trepador:
-Lo coneissètz pas?
-Provatz-lo!
-Podètz pas?
-Sètz complici!
E per metre d'assassins en preson caldriá començar per totes los assassins del franquisme e tardofranquisme que se passèjan per carrièra coma Mariús per la Canabièra. E per complicis i caldriá metre un fum de mond "de la cavèrna", coma se ditz en Espanha.
Avètz vist que los conselhièrs del PSOE a Vitoria-Gasteiz se son opausats a nomenar Lluís Llach ciutadan d'onor de la vila, Lluís Llach que creèt "Campanades a mort" quand la polícia tuèt 5 manifestants fa 40 ans a Vitoria. E los assassins corrisson totjorn. Los cal metre en preson los conselhièrs del PSOE?

  • 5
  • 0
Marta Combèla Fijac
2.

#1 En prison los assassins e lors complicis. Ges de pietat per aquel monde

  • 2
  • 5

Escriu un comentari sus aqueste article